ނައިބު ރައީސް ޙުސައިން މުޙައްމަދު ލަޠީފް މޮންޓަނޭގްރޯ އަށް ކުރެއްވި ރަސްމީދަތުރު ނިންމަވާލެއްވުމަށް ފަހު މިއަދު ރާއްޖެ ވަޑައިގެންފި އެވެ.
އެ ގައުމަށް އެ މަނިކުފާނިު ވަޑައިގެންނެވީ ޑަންލޮވް-ގްރަޑްގައި ބޭއްވި މޮންޓަނޭގްރޯގެ 3 ވަނަ ކޮންގްރެސް އޮފް ޑިމޮކްރެޓިކް މޮންޓަނޭގްރޯގައި ބައިވެރިވެވަޑައިގެންނެވުމަށެވެ. އެ ކޮންގްރެސްގައި ނައިބު ރައީސް ބައިވެރިވެވަޑައިގެންނެވީ ޑެޕިއުޓީ ޕްރައިމް މިނިސްޓަރ ފޮ ސެކިއުރިޓީ، އިންޓާނަލް ޕޮލިސީ، ޔޫރަޕިއަން އެންޑް ފޮރިން އެފެއާޒް އަދި ޑިމޮކްރެޓިކް މޮންޓަނޭގްރޯގެ ރައީސް އެލެކްސާ ބެޗިޗްގެ ދަޢުވަތަކަށެވެ.
މޮންޓަނޭގްރޯ އަށް ނައިބު ކުރެއްވި ދަތުރުގައި އެމަނިކުފާނުގެ އަރިހުގައި ފޮރިން މިނިސްޓްރީގެ އެމްބެސެޑަރ-އެޓް-ލާޖް މުޙައްމަދު ޙުސައިން ޝަރީފް ބައިވެރިވެވަޑައިގެންނެވިއެވެ.
ނައިބު ރައީސްގެ މި ދަތުރަކީ ރާއްޖެ އިން ބޭރަށް ކުރެއްވި ދެވަނަ ދަތުރެވެ.