މި ސަރުކާރުން ބްލޮކްކުރި ދެ އޮންލައިން ނޫސް އިޔާދަކޮށް ދީފި އެވެ.
އެ ދެ ނޫހަކީ ކުރުސީ.ކޮމް އާއި ދިޔަވަރު އެވެ. މި ދެ ނޫސް މިއަދު އަންބްލޮކްކުރި އިރު، ބްލޮކްކުރި ފުރަތަމަ ނޫސް ކުރިން އަންބްލޮކްކޮށްފައިވެ އެވެ.
ސަރުކާރުން މި ގޮތަށް ނިންމީ ކުރިމަތިިވި ޕްރެޝަރުތަކާއި ފާޑުކިޔުންތަކާ ހެދި އެވެ. އެކަމާ މޯލްޑިވްސް މީޑިއާ ކައުންސިލް (އެމްއެމްސީ) އާއި މޯލްޑިވްސް ޖާނަލިސްޓް އެސޯސިއޭޝަން (އެމްޖޭއޭ) އިން ވެސް ކުށްވެރިކޮށްފައިވެ އެވެ.
އޮވައިރާއި ކުރުސީ.ކޮމް އަށް ވަދެވޭ ގޮތަށް އަލުން ހެދީ އެ ނޫސް ބްލޮކްކޮޑްފައި އޮތް މައްސަލަ ކުއްލި މައްސަލައެއްގެ ގޮތުގައި މިއަދު މަޖިލީހަށް ވެސް ހުށަހަޅާފައި ވަނިކޮށެވެ. ކުއްލި މައްސަލަ ހުށަހެޅުއްވީ ވެލިދޫ ދާއިރާގެ މެމްބަރު މުހައްމަދު އަބްދުﷲ ޝަފީގެވެ.
ސަރުކާރުން ބުނެފައި ވަނީ ގަވައިދާ އެއްގޮތަށް ރަޖިސްޓްރީކޮށްގެން ހިންގާ އެއްވެސް ނޫހެއް ބްލޮކް ނުކުރާނެ ކަމަށެވެ.