އެމްޑީޕީގެ ޓިކެޓްގައި މާލޭގެ މޭޔަރު ކަމަށް ވާދަކުރައްވާ އާދަމް އާޒިމް އެ ޕާޓީ އަށް ސޮއިކުރެއްވީ ހަމައެކަނި ޓިކެޓް ބޭނުންވެގެން ކަމަށާއި އިންތިހާބުވެއްޖެ ނަމަ އޭނަ ވެސް ސަރުކާރު ހިންގާ ޕާޓީ، ޕީއެންސީއާ ގުޅޭނެ ކަމަށް ޑިމޮކްރެޓްސްގެ ރައީސް ހަސަން ލަތީފު ވިދާޅުވެއްޖެ އެވެ.
އާޒިމާ ދެކޮޅަށް މިހާރު ސޯޝަލް މީޑިއާގައި ކެމްޕޭނެއް ވެސް ކުރިއަށްދާ އިރު ހަސަން ސޯޝަލް މީޑިއާ ޕޯސްޓެއްގައި ވިދާޅުވީ އާޒިމަށް މޭޔަރުގެ މަގާމު ކާމިޔާބު ކުރެވުނަސް އޭނަ އެމްޑީޕީގައި ހުންނަވާނެ ކަމަށް ބެލުމަކީ މޮޔަކަމެއް ކަމަށެވެ.
މި ފެންނަ މަންޒަރުތަކުން MDP ޓިކެޓުގައި އާދަން އާޒިމް ހޮވުނަސް MDP ގައި އޭނަވެސް ހުންނާނެކަމަށް ބެލުމަކީ މޮޔަކަމެއް! MDP އަށް އޭނަވެސް ސޮއިކުރީ މޭޔަރު ޓިކެޓް ބޭނުންވެގެން. އޭނަގެވެސް ގުޅުންތައް ހުރީ ނާޒިމާއެކު ހަމަ ސަރުކާރުގައި.
— Hassan Latheef🎈 (@HassanLatheef) December 29, 2023
"އޭނަ ސޮއިކުރީ މޭޔަރުގެ ޓިކެޓް ބޭނުންވެގެން." އެމްޑީޕީގެ 13 މަޖިލިސް މެންބަރަކު ޕީއެންސީއާ ގުޅިވަޑައިގެންފައިވާތީ އެކަމާ ގުޅުވައި ހަސަން ވިދާޅުވި އެވެ.
This man, brother of Baagee Nazim, Mr. @adamazim will leave @MDPSecretariat in the next few weeks whether he gets elected to Mayor post or not. It’s a guaranteed thing. pic.twitter.com/AF7XP279w3
— Hassan Kurusee (@HKurusee) December 29, 2023
އޭނަ ވިދާޅުވި ގޮތުގައި އާޒިމްގެ ގުޅުންތައް ވެސް ހުރީ އޭނަގެ ބޭބެ ކާނަލް މުހައްމަދު ނާޒިމާ އެއްގޮތަށް ސަރުކާރާ އެކީގަ އެވެ. ނާޒިމް އެމްއެންޕީ އަކީ ޕީއެންސީ/ޕީޕީއެމްގެ ކޯލިޝަން ބައިވެރިއެކެވެ.
އާޒިމަކީ ރައީސް އިބްރާހީމް މުހައްމަދު ސޯލިހުގެ ސަރުކާރުގައި އެމްޓީސީސީގެ ސީއީއޯ އެވެ.
— Alavy Akhmym (@AlavyAkhmym) December 29, 2023
އަންނަ މަހުގެ 13 ގައި ބާއްވާ މަޖިލިސް އިންތިހާބުގައި އާޒިމާ އެކީ ހަތަރު ބޭފުޅަކު ވާދަކުރައްވަ އެވެ. އެއީ ޕީއެންސީގެ ޓިކެޓްގައި ވާދަކުރައްވާ ކުރީގެ އެޓާނީ ޖެނެރަލް އާޒިމާ ޝަކޫރާއި ޑިމޮކްރެކްޓްސްގެ ޓިކެޓްގައި ވާދަކުރައްވާ ސައިފް ފާތިހާއި އަމިއްލަ ގޮތުން ވާދަކުރައްވާ ކުރީގެ ޕޮލިސް ކޮމިޝަނަރު ހުސައިން ވަހީދުގެ އިތުރުން ޝުއައިބް އަލީ (ފުރަހަނި) އެވެ.