މި އަހަރުގެ ރިޔާސީ އިންތިހާބަށް ޖުމްލަ 84.6 މިލިއަން ރުފިޔާ ހޭދަވި އިލެކްޝަންސް ކޮމިޝަން (އީސީ) އިން ބުނެފި އެވެ.
ދެ ބުރަކަށް ބޭއްވި އިންތިހާބާ ގުޅޭ ރިޕޯޓު އީސީން ރޭ އާންމުކޮށްފައިވާ އިރު އެއިން ދައްކާ ގޮތުގައި ސެޕްޓެމްބަރު 9 ގައި ބޭއްވި ފުރަތަމަ ބުރަށް 63 މިލިއަން ރުފިޔާ ޚަރަދުވުި އެވެ. އެއީ ރިކަރަންޓަށް ހޭދަވި ހިމެނެނީ 51 މިލިއަން ރުފިޔާ އާއި ކެޕިޓަލް ހަރަދަށް ހޭދަވި 12 މިލިއަނާ އެކީގަ އެވެ.
ސެޕްޓެމްބަރު 30 ގައި ބޭއްވި ދެވަނަ ބުރަށް 21.6 މިލިއަން ރުފިޔާ ހޭދަވި އެވެ. އެއީ ރިކަރަންޓް ހަރަދަށް ގޮތުގައި 21.5 މިލިއަނާއި ކެޕިޓަލް ހަރަދަށް ދިޔަ 61،408ރ. އާ އެކީގަ އެވެ.
ރިޔާސީ އިންތިހާބަށް ޖުމްލަ 96.4 މިލިއަން ރުފިޔާ ބަޖެޓްކުރި އެވެ.
މި އަހަރުގެ ރިޔާސީ އިންތިހާބުގެ ފުރަތަމަ ބުރުގައި 8 ކެންޑިޑޭޓަކު ވާދަކުރި އެވެ. އަދި ދެވަނަ ބުރަށް ދިޔައީ ދެ ކެންޑިޑޭޓެކެވެ.