ސަރުކާރު ހިންގާ މައި ޕާޓީ ޕީއެންސީއާ ގުޅުނީ ރައްޔިތުންނަށް ހިދުމަތްކުރުމުގައި ދެމި ހުރުމަށް ކަމަށް ފޭދޫ ދާއިރާގެ މެންބަރު މުހައްމަދު ނިހާދު ވިދާޅުވެއްޖެއެވެ.
އާ އަހަރާ ގުޅުވާ ނިހާދު ކުރެއްވި ޓްވީޓްގައި ވިދާޅުވީ އޭނާއަކީ ރައްޔިތުންގެ މީހެއް ކަމަށެވެ.
ގިނަ ރައްޔިތުން އެދެނީ އޭނާ ރައްޔިތުންނަށް ހިދުމަތްކުރުމުގައި ދެމިހުރުމަށްކަން ފާހަގަކޮށް ނިހާދު ވިދާޅުވީ ރައްޔިތުންނަށް ހިދުމަތްކުރުމުގައި ދެމިހުރުމަށް ސަރުކާރު ހިންގާ ޕާޓީއާ ގުޅިފައިވާ ކަމަށެވެ.
Happy New Year 2024 ❤️❤️
Alhugandakee rayyithun ge Meeheh! Gina Rayyithun edhenee, e Rayyithunnah hidhumaih kuraan, dhemi hurumah! Ekan kuraan dhemi hurumah, Sarukaaru hingaa party aai gulhijjain!
Aa aharuge thahuniyaa AdduCity Adhi khaassakoh Feydhoo ge Rayyithunnah dhannavan!
— Feydhoo Meehaa (Mohamed Nihad) (@nihad_m) January 1, 2024
މިފަހުން ރައްޔިތުންގެ މަޖިލީހުގެ އެމްޑީޕީއަށް ނިސްބަތްވާ 13 މެންބަރަކު ވަނީ ވެރިކަންކުރާ ޕީއެންސީއާ ގުޅިފައެވެ.
އޭގެތެރޭގައި ހިމެނެނީ މަރަދޫ ދާއިރާގެ މެމްބަރު އިބްރާހިމް ޝަރީފް، ފޭދޫ ދާއިރާގެ މެމްބަރު އިބްރާހީމް ނިހާދު، މައްޗަންގޮޅި ދެކުނު ދާއިރާގެ މެމްބަރު އަހްމަދު ހައިތަމް، އިސްދޫ ދާއިރާގެ މެމްބަރު އަލީ ހަމީދު، ކަނޑިތީމު ދާއިރާގެ މެމްބަރު އަބްދުﷲ ޝަހީމް، ކުރެންދޫ ދާއިރާގެ މެމްބަރު އަބްދުﷲ ހަކީމް، މަތިވެރި ދާއިރާގެ މެމްބަރު ހަސަން ޒަރީރު، މުލަކު ދާއިރާގެ މެމްބަރު އިބްރާހިމް ނަސީރު، ނިލަންދޫ ދާއިރާގެ މެމްބަރު އަބްދުލް މުހުސިން ހަމީދު (ޖޭފޯ)، މާފަންނު ދެކުނު ދާއިރާގެ މެމްބަރު އާދަމް އަލީ، ކޮމަންޑޫ ދާއިރާގެ މެމްބަރު މުޙައްމަދު ރާޝިދު، ތޮއްޑޫ ދާއިރާގެ މެމްބަރު ހަސަން ޝިޔާން އަދި ގުރައިދޫ ދާއިރާގެ މެމްބަރު ޝާޒްއެވެ.