ކުރިއަށް އޮތް ތިން މަސްތެރޭގައި އައްޑޫ ރީޖަނަލް ޕޯޓްގައި ބަންކަރިންގެ ހިދުމަތް ފަށަން ނިންމާފައިވާ ކަމަށް މޯލްޑިވްސް ޕޯޓްސް ލިމިޓެޑް (އެމްޕީއެލް) އިން ބުނެފި އެވެ.
އެ ކުންފުނީގެ އާ ސީއީއޯ މުހައްމަދު ވަޖީހު އިބްރާހިމް ވިދާޅުވީ އައްޑޫ ޕޯޓަކީ މިހާތަނަށް އެތަނަށް އަންނަންވާ ތަރައްގީ އާއި ލިބެންވާ ހިދުމަތްތައް އެންމެ އެކަށީގެންވާ ގޮތަށް ނުދެވި އޮތް ތަނެއް ކަމަށެވެ. ނަމަވެސް މި ސަރުކާރުން މިހާރު އަމާޒު ހިފާފައި ހުރީ އައްޑޫ ޕޯޓްގެ ބޭނުން އެންމެ ރަނގަޅަށް ހިފޭ ގޮތަށް އެތަން ބައްޓަންކޮށް ހިދުމަތްތައް އިތުރުރަން ކަމަށެވެ. އެހެންވެ ބަންކަރިންގެ ހިދުމަތް ކުރިއަށް އޮތް ތިން މަސްތެރޭގައި ފަށަން އަމާޒު ހިފާފައިވާ ކަމަށް ވަޖީހު ވިދާޅުވި އެވެ.
އޭނަ ވިދާޅުވީ މީގެ ސަބަބުން އައްޑޫ ޕޯޓަށް ލިބޭ އާމްދަނީ އިތުރުވެ އައްޑޫގެ ރައްޔިތުންނަށް ވަޒީފާގެ ފުރުސަތު ވެސް އިތުރުވެގެން ދާނެ ކަމަށެވެ.
އެމްޕީއެލް އިނ ްވަނީ ދެކުނުގެ ލ. ގާދޫގައި ވެސް ބަންކަރިންގެ ހިދުމަތް ދެވޭ ފެންވަރުުގެ ބަނދަރެއް ތަރައްގީ ކުރުމަށް ނިންމައިފަ އެވެ.
އައްޑޫ ސަރަހައްދީ ބަނދަރަކީ 2006 ގައި ބޭނުން ކުރަން ފެށި ތަނެކެވެ.