ރައީސް ޑރ. މުހައްމަދު މުއިއްޒު ޗައިނާ އަށް ވަޑައިގަންނަވާ ގޮތަށް ހަމަޖެހިއްޖެ އެވެ.
އެނގިފައިވާ ގޮތުގައި ސަރުކާރުގެ އިސްވެރުންގެ ބޮޑު ވަފުދަކާ އެކީ އެ މަނިކުފާނު މި މަހުގެ ތެރޭގައި އެ ގައުމަށް ވަޑައިގަންނަވާނެ އެވެ. ނަމަވެސް މިކަމާ ބެހޭ ގޮތުން ސަރުކާރުން އަދި ވަކި އެއްޗެއް ހާމައެއް ނުކުރެ އެވެ.
ނޮވެމްބަރު މަހުގެ 17 ގައި ރައީސްކަމާ ހަވާލުވެވަޑައިގަތް ފަހުން ރައީސް ވަނީ ދެ ގައުމަކަށް ވަޑައިގެންގަ އެވެ. އެއީ ތުރުކީ ސަރުކާރުން ލިބިވަޑައިގަތް ދައުވަތަކަށް އެ ގައުމަށް ކުރެއްވި ދަތުރާއި ކޮޕް28 ގައި ބައިވެރިވެވަޑައިގަތުމަށް ޔޫއޭއީއަށެވެ.
ރައީސްގެ އެ ދަތުރަކަށް 3.5 މިލިއަން ރުފިޔާ ހޭދަވި އެވެ.
ޗައިނާ އަށް ރައީސް ވަޑައިގަންނަވަން ހަމަޖެހިފައިވާ އިރު، މިދިޔަ މަހުގެ ތެރޭގައި ނައިބު ރައީސް ހުސައިން މުހައްމަދު ލަތީފު ވެސް ޗައިނާ އަށް ދަތުރެއް ކުރެއްވި އެވެ.