ރާއްޖޭގެ އެންމެ ބޮޑު އިންޝުއަރެންސް ކުންފުނި، އެލައިޑްގެ ދެ ފަންޑަކުން އެހީ ލިބޭ ފަރާތްތައް ހޮވައިފި އެވެ.
އެގޮތުން އެ ކުންފުނީގެ އިޖުތިމާއީ ޒިންމާ "ޕްރިމިއަމް ފޯ ގުޑް" ގެ ދަށުން ތައާރަފުކޮށްފައިވާ ކޮމިއުނިޓީ ފަންޑްގެ އެހީ ހަތަރު ފަރާތަކަށް ދީފައިވެ އެވެ. އެއީ ނައިފަރު ޖުވެނައިލް، މިލަންދޫ ސްޕޯޓްސް ކްލަބް، ކެޔޮދޫ އިސްދަރިވަރުންގެ ޖަމިއްޔާ އަދި ބްލޫ ގިލްޑް ފައުންޑޭޝަނެވެ. މި ފަރާތްތަކަށް ދީފައި 50،000ރ. އެހީ އެވެ.
"އެލައިޑް އެޑިޔުކޭޝަން ފަންޑް" ގެ ދަށުން 7 ސްކޫލަކަށް 25،000ރ. ގެ އެހީ ދީފައިވެ އެވެ. އެ ސްކޫލްތަކަކީ ފޯކައިދޫ ސްކޫލް، މާމެންދޫ ސްކޫލް، ހިރިލަންދޫ ސްކޫލް، ބ. އަތޮޅު އެޑިއުކޭޝަން ސެންޓަރު، މުހައްމަދު ޖަމާލުއްދީން ސްކޫލްގެ އިތުރުން މަދަރަސަތުލް އިފުތިތާހެވެ.
އެލައިޑަކީ އެސްޓީއޯގެ ސަބްސިޑަރީއެކެވެ.