މާލޭގެ މޭޔަރު ކަމަށް ވާދަކުރައްވާ އާޒިމާ ޝުކޫރްގެ މެނިފެސްޓޯ މިރޭ ލޯންޗްކުރަން ނިންމައިފި އެވެ.
ވެރިކަން ކުރާ ޕީއެންސީގެ ޓިކެޓްގައި އެ މަގާމަށް ވާދަކުރައްވާ ކުރީގެ އެޓާނީ ޖެނެރަލްގެ މެނިފެސްޓޯ ލޯންޗްކުރަން ބާއްވާ ޖަލްސާ އޮންނާނީ ޕިއެންސީގެ އޮފީސް ދިވެހީންގެ ރާއްޖެ މައި ޖަގަހަ (ދޮންމަނިކު ސްކައިވިއު ތިރި) ގައި މިރޭ 8:00 ގަ އެވެ. މި ޖަލްސާގައި ރައީސް ޑރ. މުހައްމަދު މުއިއްޒު ވެސް ބައިވެރިވެވަޑައިގަންނަވާނެ އެވެ.
މާލެ އަށް މޭޔަރަކު ހޮވަން ބާއްވާ ބައި-އިލެކްޝަން އޮންނާނީ މި މަހުގެ 13 ގަ އެވެ. މީގައި ޖުމްލަ ފަސް ކެންޑިޑޭޓަކު ވާދަކުރައްވަ އެވެ. އެއީ އާޒިމާގެ އިތުރުން އެމްޑީޕީގެ ޓިކެޓްގައި އާޒިމް އާދަމާއި ޑިމޮކްރެކްޓްސްގެ ޓިކެޓްގައި ސައިފް ފާތިހުގެ އިތުރުން އަމިއްލަ ގޮތުން ވާދަކުރައްވާ ކުރީގެ ޕޮލިސް ކޮމިޝަނަރު ހުސައިން ވަހީދުގެ އިތުރުން ޝުއައިބް އަލީ (ފުރަހަނި) އެވެ.
ރާއްޖޭގެ ވެރިކަން ކުރާ ސިޓީގެ މޭޔަރުގެ މަގާމު ހުސްވީ އެ މަގާމުގައި ކުރިން ހުންނެވި މުއިއްޒު ރިޔާސީ އިންތިހާބު ކާމިޔާބު ކުރައްވައި ރައީސް ކަމަށް ވަޑައިގަތުމާ ގުޅިގެންނެވެ.