މި އަހަރު ބާއްވާ ރައްޔިތުންގެ މަޖިލިސް އިންތިހާބުގައި ވާދަކުރަން ނިންމެވި ފޭދޫ ދާއިރާގެ ކުރީގެ މެމްބަރުން އަލްހާ ފަހުމީ އިންތިހާބުގައު ވާދަނުކުރަން ނިންމައިފި އެވެ.
އެމްޑީޕީގެ މެންބަރެއްގެ ގޮތުގައު ހުންނެވި އަލްހާން ކާށިދޫ ދާއިރާ އަށް ވާދަކުރައްވަން ނިންމެވީ އަމިއްލަ ގޮތުންނެވެ. ނަމަވެސް އޭނަ ވިދާޅުވީ އެ ނިންމުން ބަދަލުކޮށް، މިހާރު އިންތިހާބަށް ނުނިކުންނަން ނިންމަފާފައިވާ ކަމަށެވެ.
މަޖިލީހަށް ވާދަނުކުރައްވަން އަލްހާން ނިންމެވީ އޭނަގެ ހިއްސާ އޮންނަ ކިންގްސް ކެޕިޓަލް ހޯލްޑިންގްސް އިން ހިންގި ޕޮންޒީ ސްކީމާ ގުޅިގެން ފެންމަތިވި މައްސަލަތަކާ ހެދި އެވެ.
"އެ ކުންފުންޏާއެކީ މުޢާމަލާތުކުރި ބައެއް ފަރާތްތަކަށް ދޭން ޖެހޭ ފައިސާގެ މުޢާމަލާތުތައް ނުނިމި ހުރުމުގެ ސަބަބުން އެފަދަ ބައެއް ފަރާތްތަކުން، އަޅުގަނޑު ރައްޔިތުންގެ މަޖިލިސް ގޮނޑިއަކަށް ކުރިމަތިލުމާ މެދު ފާޑު ވިދާޅުވާތީ، އެ މުޢާމަލާތާ ގުޅިގެން ކުންފުނިން އަދާކުރަން ޖެހޭ ޒިންމާތައް ނުނިންމާ، މިފަދަ އިންތިޚާބެއްގައި ވާދަކުރުމަކީ ހިތަށް އެހާ ފަސޭހަ ކަމަކަށް ނުވީތީ، އަޅުގަނޑުގެ ނަން އަނބުރާ ގެންނަ ވާހަކަ އެންމެ ބޭފުޅުންގެ މަޢްލޫމާތަށްޓަކައި ނުހަނު ހިތާމައާއިއެކު ދެންނެވިން." އޭނަ ސޯޝަލް މީޑިއާ ޕޯސްޓެއްގައި ވިދާޅުވި އެވެ.
ޕޮންޒީ ސްކީމާ ގުޅިގެން އޭނަގެ ދެ ކޮއްކޮއެއްގެ މައްޗަށް ދައުވާކުރަން މިދިޔަ ނޮވެމްބަރު މަހުގެ ތެރޭގައި ފޮނުވާފައިވެ އެވެ.