މާލޭގެ މޭޔަރު ކަމަށް ވާދަކުރައްވާ ކެންޑިޑޭޓުންގެ މެދުގައި ޕީއެސްއެމުން ބާއްވާ ބަހުސް މިރޭ އޮންނާނެ އެވެ.
އެ ބަހުސް ފަށަން ހަމަޖެހިފައި ވަނީ 9:00 ގަ އެވެ.
މާލެ އަށް މޭޔަރަކު ހޮވަން ބާއްވާ ބައި-އިލެކްޝަންގައި ފަސް ކެންޑިޑޭޓަކު ވާދަކުރައްވަ އެވެ. އެއީ ވެރިކަން ކުރާ ޕާޓީ، ޕީއެންސީގެ ޓިކެޓްގައި ވާދަކުރައްވާ ކުރީގެ އެޓާނީ ޖެނެރަލް އާޒިމާ ޝަކޫރާއި އެމްޑީޕީގެ ޓިކެޓްގައި ވާދަކުރައްވާ އާދަމް އާޒިމާއި ޑިމޮކްރެޓްސްގެ ޓިކެޓްގައި ވާދަކުރައްވާ ސައިފް ފާތިހުގެ އިތުރުން އަމިއްލަ ގޮތުން ވާދަކުރައްވާ ކުރީގެ ޕޮލިސް ކޮމިޝަނަރު ހުސައިން ވަހީދާއި އަމިއްލަ ގޮތުން ވާދަކުރައްވާ ޝުއައިބް އަލީ (ފުރަހަނި) އެވެ.
ބައި-އިލެކްޝަން ބާއްވަން ހަމަޖެހިފައި ވަނީ މި މަހުގެ 13 ގަ އެވެ. މޭޔަރުންގެ ކެމްޕޭންތަކަށް ބަލާ އިރު، ވާދަވެރިކަން އެންމެ ބޮޑީ އާޒިމާއި އާޒިމްގެ މެދުގަ އެވެ. އާޒިމަކީ ކުރީގެ ރައީސް އިބްރާހީމް މުހައްމަދު ސޯލިހު ސަރުކާރުގައި އެމްޓީސީސީގެ ސީއީއޯ އެވެ.
މާލޭގެ މޭޔަރުގެ މަގާމު ހުސްވީ އެ މަގާމުގައ ކުރިން ހުންނެވި ޑރ. މުހައްމަދު މުއިއްޒު ރައީސް ކަމަށް އިންތިހާބުވުމާ ގުޅިގެންނެވެ.