ބޯކޮށް ވާރޭ ވެހުމުން މާލޭގައި ފެންބޮޑުވާ ގެތަކުގެ ސާވޭއެއް ހެދުމުގެ މަސައްކަތް އެމްއެންޑީއެފުން ފަށައިފި އެވެ،
އެތަނުން ބުނީ މި ސާވޭގެ މަސައްކަތް ފެށީ ހޮނިހިރު ދުވަހު ކަމަށާއި މާދަމާގެ ނިޔަލަށް ސާވޭ ކުރިއަށް ގެންދާނެ ކަމަށެވެ. މި ސާވޭގެ މައިގަނޑު މަގުސަދަކީ ފެން ބޮޑުވާ ގެތަކުގެ މަޢުލޫމާތު އެއްކުރުމާއި އެ ގެތަކުގެ ލޮކޭޝަންތައް މެޕްކުރުމާއި އަދި ފެން ބޮޑުވެގެން ލިބޭ ގެއްލުންތައް ކުޑަކުރުމަށް ދުރާލައި އެޅިދާނެ ފިޔަވަޅުތައް ޙިއްޞާކުރުން ކަމަށެވެ.
އެމްއެންޑީއެފުން ބުނީ މިދިޔަ މަހުގެ 31 ގައި މާލެ އަށް ބޯކޮށް ވާރޭ ވެހި ފެންބޮޑުވެ، ފެން ވަދެ ގެއްލުންތައް ލިބުނު ހުރިހާ ގެއަކަށް ޒިޔާރަތްކޮށް މައުލޫމާތު އެއްކުރާނެ ކަމަށެވެ.
އެ ވިއްސާރައިގައި މާލޭގެ 70 ވަރަކަށް ގެއަށް ފެން ވަދެ ގެއްލުންތައް ލިބުނެވެ.