ޕަބްލިކް ސާވިސް މީޑިއާ ނުވަތަ ދައުލަތުގެ މީޑީއާގެ ޑެޕިއުޓީ މެނޭޖިންގް ޑިރެކްޓަރ ކަމަށް ކުރީގެ މެންބަރު އަބްދުﷲ ޔާމީން ހަމަޖައްސައިފިއެވެ.
ޕީއެސްއެމްގެ ޑީއެމްޑީކަމަށް ޔާމީން އައްޔަންކޮށްފައިވާ ކަން އެކުންފުނިން ވަނީ އިއުލާންކޮށްފައެވެ. އެ މަޤާމަށް އައްޔަން ކުރެވުނު ޔާމީން އަކީ މީގެ ކުރިން ނޫސްވެރިކަމުގެ ދާއިރާގައި ހަރަކާތްތެރިވެފައިވާ ފަރާތެކެވެ. އަދި 18 ވަނަ ރައްޔިތުން މަޖިލީހުގައި ވެލިދޫ ދައިރާގެ މެންބަރުކަން ކުރެއްވިއެވެ.
Congratulations to Mr. @YaminRasheed , our new Deputy Managing Director! pic.twitter.com/sVxobWt0TX
— Public Service Media (@psm_mkt) January 7, 2024
ޕީސީބީންވަނީ ޕީއެސްއެމްގެ ޑިރެކްޓަރުންގެ ބޯޑުގެ މެންބަރުކަމުގެ މަޤާމުން ސ.ހުޅުދޫ، ކަޅުމަގިގެ ޢަބްދުالله ރަޝީދު ވެސް ވަކިކުރައްވާފައެވެ.
ޕީއެސްއެމް ޑެޕިއުޓީ މެނޭޖިންގް ޑިރެކްޓަރަކު އައްޔަން ކުރެވިގެން ދިޔައިރު، އެކުންފުނީގެ މެނޭޖިންގް ޑިރެކްޓަރަކަށް މި ސަރުކާރުން އައްޔަން ކޮށްފައިވަނީ މޯލްޑިވްސް ބްރޯޑްކާސްޓިންގް ކޮމިޝަނުގެ ކުރީގެ މެންބަރު ޒީނާ ޒާހިރުއެވެ.