ދުނިޔޭގެ މަޝްހޫރު އޮންލައިން ޕޭމަންޓް ސިސްޓަމް، ޕޭޕަލް ރާއްޖެ އަށް ގެންނަން މަސައްކަތް ފަށައިފި އެވެ.
ރައީސް އޮފީހުގައި އިއްޔެ ބޭއްވި ނޫސް ކޮންފަރެންސްގައި އެ އޮފީހުގެ ޕްރިންސިޕަލް ސެކްރެޓަރީ ޓު ދަ ޕްރެޒިޑެންޓް އޮން ޕަބްލިކް ޕޮލިސީ އަބްދުﷲ ނާޒިމް އިބްރާހިމް ވިދާޅުވީ ރާއްޖޭގައި އޮންލައިން ބިޒްނަސް ކުރުމަށް ދިމާވެފައިވާ ދަތިތައް ނައްތާލުމަކީ، ރައީސް މި ސަރުކާރުން ވަރަށް ބޮޑު އިސްކަމެއް ދޭ ކަމެއް ކަމަށެވެ. އެގޮތުން އެކަމަށް މަގުތައް ފަހިކުރަން ޕޭޕަލްގެ ހިދުމަތް ރާއްޖެ އިން ލިބޭނެ ގޮތް ހޯދުމަށް މަޝްވަރާތައް ކުރެވިފައިވާ ކަމަށް ވިދާޅުވި އެވެ.
ޕޭޕަލް އަކީ އެމެރިކާގެ ކުންފުންޏެކެވެ.
ޕޭޕަލްގެ ހިދުމަތް އެންމެ ފުރަތަމަ ތައާރަކުރީ މީގެ 25 އަހަރު ކުރިން 1998 ގަ އެވެ. އޭރު މި ހިދުމަތަށް ކިޔާ ނަމަކީ "ކޮންފިނިޓީ" އެވެ. އަދި 1999 ގައި "އެކްސް.ކޮމް" އަށް ނަން ބަދަލުކޮށް، "ޕޭޕަލް" ގެ ނަމުގައި ހިދުމަތް ދޭން ފެށީ 2000 ވަނަ އަހަރު އެވެ.
ޕޭޕަލް އަކީ 2002 ގައި ހިއްސާގެ ބާޒާރުގައި ވެސް ލިސްޓްކޮށްފައިވާ ކުންފުންޏެކެވެ.
މި ހިދުމަތް ހިމެނޭ ގޮތަށް ރާއްޖޭގައި އޮންލައިން އެހެން ޕޭމަންޓް ސިސްޓަމްތައް ތައާރަފުކުރުމަކީ ރައީސް ޑރ. މުހައްމަދުގެ ރިޔާސީ ވައުދެއް ވެސް މެ އެވެ.