ރާއްޖެ އަށް އެންމެ ގިނަ ޓޫރިސްޓުން އަންނަ ގައުމަކީ ޗައިނާ އަށް ހެދުމަށް ރައީސް ޑރ. މުހައްމަދު މިއަދު އެ ގައުމަށް ގޮވާލައްވައިފި އެވެ.
އެ މަނިކުފާނު މިހާރު ޗައިނާ އަށް ކުރައްވަމުން ގެންދަވާ ދަތުރުގެ ތެރެއިން މިއަދު ފެށި ބިޒްނެސް ފޯރަމްގެ ތެރޭގައި ވިދާޅުވީ ޗައިނާ އަކީ ކޮވިޑްގެ ކުރިން ވެސް ރާއްޖޭގެ އެންމެ ބޮޑު މާކެޓް ކަމަށާއި އެ މަގާމަށް އެ ގައުމު އަލުން ރުޖޫއަވާން ޖެހޭ ކަމަށެވެ. އެހެންވެ ޗައިނާ އިން ވީހާ ވެސް ގިނަ ޓޫރިސްޓުން ރާއްޖެ ޒިޔާރަތް ކުރުމަކީ ވަރަށް ބޮޑަށް އެދިވަޑައިގަންނަވާ ކަމެއް ކަމަށާއި ޗައިނާގައި ރާއްޖެ އިޝްތިހާރުކޮށް، މާކެޓް ކުރަން ގިނަ މަސައްކަތްތަކެއް ވެސް ކުރައްވާނެ ކަމަށް ވިދާޅުވި އެވެ.
ޗައިނާ އަކީ މިދިޔަ އަހަރު ތިން ވަނަ އަށް ރާއްޖެ އަށް އެންމެ ގިނަ ޓޫރިސްޓުން އައި ގައުމެވެ. މިދިޔަ އަހަރު ޗައިނާ އިން ރާއް އަށް 187،118 އަ އެވެ.
ރައީސް ވިދާޅުވީ ރާއްޖޭގެ ޓޫރިޒަމް ދާއިރާ އަކީ ގައުމުގެ މައި އިގުތިސާދު ކަމަށްވުމާ އެކީ އެ ދށއިރާ އަށް އިތިރަށް ތަރައްގީކޮށް ކުރިއެރުވުމަކޫ ވެސް ސަރުކާރުގެ ވަރަށް ބޮޑު އަމާޒެކެވެ، އެގޮތުން ޓޫރިޒަމް ދާއިރާ އިން މަތީ ފަންތީގެ ތަމްރީނުތައް ދޭ ސްކޫލެއް ޤާއިމު ކުރުމާއި ކުޅިވަރާއި މެޑިކަލް އަދި ސަގާފީ ޓޫރިޒަމް ފުޅާ ކުރުމަށް ނިންމަވާފައިވާ ކަމަށް ވެސް ރައީސް ވިދާޅުވި އެވެ.
ރާއްޖޭގެ ޓޫރިޒަމްގެ އެއް ވަނަ މާކެޓަކަށް ޗައިނާ ހެދުމަށް ރައީސް ގޮވާލެއްވި އިރު، މިދިޔަ އަހަރު ރާއްޖެ އަށް އެންމެ ގިނަ ޓޫރިސްޓުން އައީ ޗައިނާއާ ބޮޑު ވާދަވެރި ކަމެއް އޮންނަ އިންޑިއާއިންނެވެ. ނަމަވެސް އިންޑިއާގެ ލަކްޝަދީޕާއި ރާއްޖޭގެ ގުދުރަތީ ރީތިކަން އަޅާކިޔައި، އިންޑިއާގެ މީހުން ރާއްޖެ ނުދާން ގޮވާލައި އެ ގައުމުގައި މިހާރު ދަނީ ކެމްޕޭން ކުރަމުންނެވެ.