ހުޅުމާލޭގައި "ކޮމާޝަލް ސްޕައިން" އޭރިއާގައި ހަތް އިމާރާތެއް އެޅުމަށް ޗައިނާގެ ހުނާން ކޮންސްޓްރަކްޝަން އިންވެސްޓްމަންޓްއާ މިއަދު ހަވާލު ކޮށްފިއެވެ.
ރައީސް ޑރ. މުހައްމަދު މުއިއްޒު ޗައިނާއަށް ކުރައްވަމުން ގެންދަވާ ދަތުރުފުޅުގެ ތެރެއިން، މި އެއްބަސްވުމުގައި ސޮއި ކޮށްފައިވަނީ އިންވެސްޓް މޯލްޑިވްސް ފޯރަމްގައެވެ.
މި އެއްބަސްވުމުގައި އާބަންކޯގެ ފަރާތުން ސޮއިކުރައްވާފައިވަނީ އެ ކުންފުނީގެ މެނޭޖިން ޑިރެކްޓަރ އިބްރާހިމް ފަޒުލް ރަޝީދެވެ.
50 މިލިއަން ޑޮލަރުގެ މި މަޝްރޫއު ހުނާން ކޮންސްޓްރަކްޝަން އިންވެސްޓްމަންޓް ކުންފުންޏަށް ހަވާލު ކޮށްފައިވަނީ 2 އަހަރުގެ ތެރޭގައި ނިންމާގޮތަށެވެ.
"ކޮމާޝަލް ސްޕައިން"ގެ ދަށުން ހަދާ ހަތް އިމާރާތުގައި ރީޓެއިލް ފިހާރަތަކާއި ވެލްނެސް ހިދުމަތްތަކާއި އެންޓަޓެއިންމެންޓް ހިދުމަތްތަކާއި ބޭންކިން ހިދުމަތްތައް ފޯރުކޮށްދޭނެ ކަމަށް މައުލޫމާތު ދީފައިވެއެވެ.