އިމިގްރޭޝަން ކޮންޓްރޯލަރުގެ މަގާމާއި ހައި ކޯޓްގެ ފަނޑިޔާރުކަން ކުރިން ކުރައްވާފައިވާ ހަސަން އަލީ ހޯމް މިނިސްޓަރުގެ ނައިބަކަށް އައްޔަންކޮށްފި އެވެ.
އޭނައާ އެކީ އެ މިނިސްޓްރީގައި މިހާރު ޖުމްލަ 15 ނައިބުންނާއި ތިން ސްޓޭޓް މިނިސްޓަރުން ވެސް އެބަތިއްބެވި އެވެ.
ޙަސަން އަކީ ޝަރީޢަތާއި ޤާނޫނީ ދާއިރާ އިން ދެކުނު ކޮރެއާ އިން ތައުލީމު ހާސިލުކުރެއްވި ބޭފުޅެކެވެ. އޭނަ ފުލުހުންގެ ލީގަލްގެ މަގާމު ވެސް 2007-2013 އަށް ކުރެއްވި އެވެ. ހަސަން އަދާކުރެއްވި އިތުރު މަގާމުތަކުގެ ތެރޭގައި ހައި ކޯޓުގެ ރެޖިސްޓްރާކަމުގެ މަގާމު ވެސް ހިމެނެ އެވެ.
އޭނަ އެ ކޯޓްގެ ފަނޑިޔާރުކަމުގެ މަގާމުން އިސްތިއުފާ ދެއްވީ 2020 ގަ އެވެ.
ހަސަން އިމިގްރޭޝަން ކޮންޓްރޯލްގެ މަގާމު އަދާކުރެއްވީ ކުރީގެ ރައީސް އަބްދުﷲ ޔާމީންގެ ވެރިކަމުގަ އެވެ.