ތިމާވެއްޓާ ރައްޓެހި ޒަމާނީ ސިޓީއެއްގެ ގޮތުގައި މި ސަރުކާރުން ތަރައްގީ ކުރަން ނިންމާފައިވާ ރަސްމާލޭގައު 30،000 ގެދޮރު ޗައިނާގެ އެހީގައި ބިނާކުރާނެ ކަމަށް ސަރުކާރުން ބުނެފި އެވެ.
ސަރުކާރުން ބުނީ މިއީ އިއްޔެ ޗައިނާއާ އެކީ ރާއްޖެ އިން ސޮއިކުރި ގިނަ އެއްބަސްވުންތަކުގެގެ ތެރޭގައި ހިމެނޭ އެއްބަސްވުމެއްގެ ތެރެއިން ލިބޭ އެހީއެއް ކަމަށެވެ. އިއްޔެ ޗައިނާއާ އެކީ ރާއްޖެ އިން 20 އެއްބަސްވުމެއްގައި ސޮއިކުރި އިރު، ފުށިދިއްގަރުފަޅު ހިއްކައިގެން ތަރައްގީކުރަން ހަމަޖެހިފައިވާ ރަސްމާލޭގައި ސޯޝަލް ހައުސިންޔުނިޓް އިމާރާތް ކުރުމާ ގުޅޭ އެއްބަސްވުމެއް ވެސް ހިމެނޭ ކަމަށް ސަތުކާރުން ބުންޏެވެ.
އެގޮތުން ޗައިނާގެ އެހީގައި ރަސްމާލޭގައި 30،000 ގެދޮރު ބިނާކުރަން ނިންމި ނަމަވެސް މިކަމާ ބެހޭ އިތުރު ތަފުސީލެއް އަދި ސަރުކާރުން އަދި ނުދެ އެވެ. ހައުސިން މިނިސްޓްރީން ބުނީ އިތުރު މިކަމާ ގުޅޭ އިތުރު ތަފުސީލުތައް ފަހުން ހާމަކުރާނެ ކަމަށެވެ.
ރަސްމާލެ ހިއްކަން ފެށީ މިދިޔަ މަހުގެ 18 ގަ އެވެ.
ރައީސް ޑރ. މުހައްމަދު މުއިއްޒު ވިދާޅުވެފައިވާ ގޮތުގައި ރަސްމާލޭގައި ގޯއްޗާއި ފްލެޓް ހިމެނޭ ގޮތަށް 65،000 ހައުސިން ޔުނިޓް އަޅާނެ އެވެ.