މޯލްޑިވްސް ނެޝަނަލް ސްކިލްސް ޑިވެލޮޕްމަންޓް އޮތޯރިޓީ (އެމްއެންސްޑީއޭ) ގެ ސީއީއޯގެ މަގާމަށް ޑރ. ޒަހުރާ މުހައްމަދު އައްޔަންކޮށްފި އެވެ.
އޭނަ އެންމެ ފަހުން ހުންނެވީ ވިލާ ކޮލެޖްގައި އެސިސްޓެންޓް ޕްރޮފެސަރެއްގެ މަގާމުގަ އެވެ. އަދި ކުރިން ކުރިން އޯކްލޭންޑް ޔުނިވަސިޓީ އޮފް ޓެކްނޮލޮޖީގެ ރިސާޗް އެސިސްޓެންޓެއްގެ ގޮތުގައި ވެސް ޒަހުރާ މަސައްކަތް ކުރެއްވި އެވެ.
އޭނަ ޕީއެޗްޑީ ހެއްދެވީ ތަޢުލީމީ ދާއިރާއިން ޔުނިވަސިޓީ އޮފް ވައިކަޓޫއިންނެވެ.
އެމްއެންސްޑީއޭގެ ވެރިއަކަށް ޒަހުރާ އައްޔަންކުރުމާ ގުޅިގެން ހަޔަ އެޑިއުކޭޝަން މިނސްޓަރު ޑރ. މަރިޔަމް މާރިޔާ ވަނީ ޒަހުރާއާ އެކު އެ އޮތޯރިޓީގެ މުވައްޒަފުންނާ އިއްޔެ ބައްދަލު ވެސް ކުރައްވައިފަ އެވެ.