ކ. މާފުށީ ޖަލުގެ ޔުނިޓް 10 ގެ ބައެއް، ރިމާންޑް ޖަލެއްގެ ގޮތުގައި ބޭނުން ކުރަން ނިންމައިފި އެވެ.
މިކަމާ ގުޅޭ ގޮތުން ހޯމް މިނިސްޓްރީން ބުނީ ޔުނިޓް 10 ގެ ވިންގު 03 ގެ ސެލް 05 (01 ޖަލުގޮޅި) އަކީ މީހުން ބަންދުކޮށްފައި ބޭތިއްބުމަށް ތައްޔާރުކޮށްފައިވާ ތަނެއްގައި ހުންނަން ޖެހޭ ޝަރުތުތައް ފުރިހަމަވާ ތަނެއްކަމުން، މި މަހުގެ 8 އިން ދުވަހުން ފެށިގެން ޖަލުތަކާއި ޕެރޯލްގެ ޤާނޫނު) ގެ 3 ވަނަ މާއްދާގެ (ހ) ގެ ދަށުން އެ ސެލްއަކީ ރިމާންޑް ޖަލެއްގެ ގޮތުގައި ކަނޑައަޅާފައިވާ ކަމަށެވެ.
އަދި އެ ރިމާންޑް ޖަލު ބަލަހައްޓާނީ މޯލްޑިވްސް ކަރެކްޝަނަލް ސާވިސް އިން ކަމަށް ވެސް މިނިސްޓްރީން ބުންޏެވެ.
ރިމާންޑް ޖަލަކީ މައްސަލަތަލުގައި ހައްޔަރުކުރެވޭ މީހުންގެ މައްޗަށް ޝަރީއަތް ހިންގައި ހުކުމް ތަންފީޒު ކުރުމުގެ ކުރިން ބައިތިއްބާ ޖަލެވެ.