ހޮނިހިރު ދުވަހު ބާއްވަން ހަމަޖެހިފައިވާ މާލެސިޓީ މޭޔަރ ކަމުގެ އިންތިހާބުގައި ވާދަ ކުރައްވާ ފަރާތްތަކުގެ ތެރެއިން އެމްޑީޕީގެ ކެންޑިޑޭޓް އާދަމް އާޒިމްއަށް، އެމްއާރްއެމް ރައީސް ފާރިސް މައުމޫން ތާއިދު ކުރައްވައިފިއެވެ.
ފާރިސް މިކަން ހާމަކުރައްވާ ވިދާޅުވީ، މާލެ ސިޓީގެ މޭޔަރ ކަމަށް ކުރިމަތިލައްވާފައިވާ ބޭފުޅުންގެ ތެރެއިން އެންމެ އެކަށީގެންވާ އަދި އެންމެ ޤާބިލް ބޭފުޅަކީ އާޒިމް ކަމަށް ޤަބޫލު ކުރައްވާ ކަމަށެވެ. ފާރިސް ވިދާޅުވީ މާލޭއަކީ ދިރިއުޅުމުގެ ކަންކަން ވަރަށް ދަތިވެފައި އޮތް ތަނެއް ކަމަށެވެ. އަދި މިކަން ހައްލު ކުރެވޭނީ ތަޖުރިބާކާރު ތަޢުލީމީ ވިސްނުންތެރި ބޭފުޅަކަށް ކަމަށް، އާޒިމް އަށް ތާއިދު ކުރާ ސަބަބު ހާމަކޮށް ފާރިސް ވިދާޅުވިއެވެ.
Happy to endorse @adamazim for Male’ Mayor.
We need leaders to transcend petty party politics and serve the citizens directly.
Male’ has a multitude of problems that need urgent and well-planned solutions. Adam has the required education, experience and capacity necessary to… https://t.co/UBGcWE8RqH— faris 🇲🇻 🇵🇸 (@afarismaumoon) January 11, 2024
މާލޭ ސީޓީގެ މޭޔަރ ކަމަށް ކުރިމަތިލައްވާފައިވާ ބޭފުޅުންގެ ތެރެއިން އެމްއާރްއެމްގެ ރައީސްގެ ތާއިދު އާޒިމަށް ލިބިގެން ދިޔައީ، ފާރިސް އަކީ ނިމިދިޔަ ރިޔާސީ އިންތިހާބުގައި ވާދަކުރައްވާ ފުދޭވަރަކަށް ވޯޓު ހޯއްދެވި ބޭފުޅެކެވެ. އެގޮތުން އިންތިހާބުގައި ވާދަ ކުރެއްވި ކެންޑިޑޭޓުންގެ ތެރެއިން އޭނާ ވަނީ 2979 ވޯޓު އިންތިހާބުގައި ހޯއްދަވާފައިވެއެވެ.
މާލޭ ސިޓީގެ މޭޔަރުކަމަށް އާޒިމްގެ އިތުރުން، ސަރުކާރުގެ ތާއިދާއެކު ކުރީގެ ބަންޑާރަ ނައިބު އާޒިމާ ޝުކޫރު ވާދަ ކުރައްވައެވެ. މީގެ އިތުން ޑިމޮކްރެޓްސްއިން ސައިފް އަދި ކުރީގެ ރައީސް ޔާމީންގެ ތާއީދު ކުރައްވާ ކެނޑިޑޭޓެއްގެ ގޮތުގައި ކުރީގެ ސީޕީ ހުސެއިން ވަހީދު ވާދަ ކުރައްވެއެވެ. މި އިންތިހާބުގައި ފުރަހަނި ޝުއައިބު ދަނީ އަމިއްލަ ގޮތުން ވާދަ ކުރައްވަމުންނެވެ.