ރީޖަނަލް އެއާޕޯޓްސް ކުންފުނި ކުންފުނި އުފެއްދިތާ 3 އަހަރު އެކުންފުނިން މިވަނީ ބުރާސްފަތި ދުވަހު ފާހަގަކޮށްފައެވެ.
އެކުންފުންޏަކީ ރާއްޖޭގެ ސަރަހައްދީ އެއާޕޯޓުތައް ހިނގުމަށް ސަރުކާރުން އުފައްދާފައިވާ ސަރުކާރުގެ ހިއްސާވާ ކުންފުންޏެކެވެ. އެކުންފުނި އުފައްދާފައިވަނީ 11 ޖެނުއަރީ 2021 ގައި ރައީސްގެ ޤަރާރަކުންނެވެ. އެކުންފުންޏަށް 3 އަހަރު ފުރިގެން ދިޔައިރު ފުރިގެން ދިޔައިރު، އެކުންފުނިން ވޭތުވެދިޔަ 3 އަހަރު ތެރޭ ގިނަ ކުރިއެރުންތައް ހޯދާފައިވެއެވެ.
އާރްއޭސީއެލްއިން 3 އަހަރު ތެރޭ ހާސިލްކޮށްފައިވާ ބައެއް ކަންކަން:
- ސިވިލްއޭވިއޭޝަންގެ މިންގަނޑުތަކަށް ހުރިހާ އެއަރޕޯޓުތަކެއް ފައްތާ ސެޓްފިކެޓްތައް އާ ކުރުން.
- އެއާޕޯޓުތަކުގެ އެކްސްރޭ މެޝިންތައް ބަދަލުކޮށް ރެފިސްކޭން ބްރޭންޑް ޕާޓްނަރުކަން ހޯދުން.
- ސެކިއުރިޓީ މެޝިންތައް ބެލެހެއްޓުމަށްޓަކައި މުވައްޒަފުން ބޭރަށްފޮނުވައިގެން ތަމްރީނުކުރުން.
- ސިވިލްއޭވިއޭޝަންއިން ޤަބޫލުކުރާ ފެންވަރުގެ 14 ޓްރެއިނަރުން ތައްޔާރުކުރުން.
- ކުންފުނީގެ ބެލެހެއްޓުމުގެ ދަޝުން ފަރެސްމާތޮޑާ އެއަރޕޯޓު ހުޅުވުން.
- ހަނިމާދޫ އިންޓްނޭޝަނަލް އެއަރޕޯޓު ތަރައްގީ ކުރުމުގެ ބިއަ މަޝްރޫޢު ފަށާ ބަލަހައްޓަމުން ގެންދިއުން.
- ރާއްޖޭގެ ފުރަތަމަ ފަޔަރ ސިމިއުލޭޓަރ ހޯރަފުށީ އެއަރޕޯޓުގައި ގާއިމްކުރުން.
- ކުޅުދުއްފުށި އެއަރޕޯޓުގެ ރަންވޭ ލައިޓްސް ހަރުކޮށް 24 ގަޑިއިރު ޚިދުމަތްދޭ އެއާޕޯޓަކަށް ވަނީ ބަދަލުކޮށްފައި.
- ހޯރަފުށި އެއަރޕޯޓުގައި ރަންވޭ ލައިޓްސް ގާއިމްކޮށް ޓެސްޓިންގް ފޭސްއާއި ހަމަހަށް ދިއުން.
- "ހަފްތާ 14 މަގުޗާޓާއި" ކުޅުދުއްފުށި އެއަރޕޯޓްގެ ޕަސެންޖަރ ޓަރމިނަލްގެ ޙިދުމަޓްތައް ފުޅާކުރުމަށްޓަކައި ބަޔަކު ހޯދަން ހުޅުވާލުން.
- އާރް.އޭ.ސ.ީއެލް އާއި ކުޅުދުއްފުށި ކައުންސިލާއެކު ކުޅުދުއްފުށި އެއަރޕޯޓް އިންވެގެން ކުޅި ހިމެނޭހެން އުތުރަށް އޮތް ހުސްބިމުގައި ޓުއަރިޒަމް ޒޯނެއް ތަރައްޤީކުރުމަށް އެމ.ްއ.ޯޔޫއެއްގައި ސޮއިކުރުން.
ކުންފުނިން ގިނަ ލަނޑުދަނޑިތަކެއް ހާސިލްކޮށްފައިވާއިރު، ކުންފުނީގެ އައު މެނޭޖިންގް ޑިރެކްޓަރ އަހުމަދު މުބީންގެ އަމާޒަކީ ޚިދުމަތް ފުޅާކޮށް ފައިދާވާ ކުންފުޏަކަށް ކުންފުނި ހެދުމެވެ. އެގޮތުން މިހާރުވެސް ބައެއް މަސައްކަތްތައް ފަށާފައިވާއިރު، ކުރިއަށް އޮތް 3 އަހަރު ތެރޭ އެކަން ހާސިލް ކުރުމަށް ވަނީ ހިފާފައެވެ.
އާރްއޭސީއެލްއަށް 3 އަހަރު ފުރުނުއިރު، އެކުންފުންޏަކީ 100 އިންސައްތަ ދިވެހި މުވައްޒަފުން މަސައްކަތް ކުރާ ކުންފުންޏެކެވެ. އެގޮތުން ކުންފުނީގެ މިވަގުތުވެސް 400 އެއްހައި މުވައްޒަފުން ތިބިއިރު، ކުންފުނީގެ ބެލުމުގެ ދަށުން 6 ޑޮމެސްޓިކް އެއާޕޯޓެއް ދަނީ ހިންގަމުންނެވެ. އެއީ ހޯރަފުށި، ކުޅުދުއްފުށި، ފޮނަދޫ، މާވަރުލު، ފަރެސްމާތޮޑާ އަދި ފުވައްމުލައް އެއާޕޯޓެވެ. މީގެ އިތުރުން ހަނިމާދޫ އިންޓަނޭޝަނަލް އެއާޕޯޓުވެސް ހިންގަނީ އެކުންފުނީގެ ބެލުމުގެ ދަށުންނެވެ.
އެކުންފުނީގެ އަހަރީ ދުވަސް ހެޑް އޮފީސް އަދި ރީޖަނަލް އެއާޕޮޓުތަކުގައި ކުލަގަދަކޮށް ވަނީ ފާހަގަކޮށްފައެވެ. އަދި ބުރާސްފަތި ދުވަހު އެއާޕޯޓުން ދަތުރުކުރި ފަރާތްތަކަށް ކުރުނބާ ވަނީ ދީފައެވެ. މީގެ އިތުރުން ކުންފުނީގެ ހެޑް އޮފީހުގެ ފްލޯތައް ވަރަށް ބޮޑަށް ޒީނަތްތެރިކޮށްފައިވާ ކަން އެކުންފުނިން ފާހަގަ ކުރެއެވެ. އަދި ކޮންމެ ފްލޯއަކުންވެސް ދައްކުވައި ކުންފުންޏަށް އޮތް މުވައްޒަފުންގެ ލޯބި ކަމަށް ވަނީ ބުނެފައެވެ. އީއްޔެ ބޭއްވި ހަފްލާގައި ކުންފުނީގެ މެނޭޖްމެންޓުން ވަނީ މުވައްޒަފުން ކުރާ ބުރަ މަސައްކަތް ފާހަގަކޮށް ޝުކުރު އަދާކޮށްފައެވެ.