މާލެ އަށް މޭޔަރަކު ހޮވުމާއި މާލެ ސިޓީ ކައުންސިލުން ހުސްވެފައިވާ ތިން ގޮނޑިއަކަށް މެމްބަރުން ހޮވަން މިއަދު ބާއްވާ ބައި-އިލެކްޝަންގެ ވޯޓްލުން ކުރިއަށް އެބަދެ އެވެ.
ވޯޓްލާން ފަށާފައި ވަނީ ހެނދުނު 8:00 ގަ އެވެ. އިލެކްޝަން ކޮމިޝަން (އީސީ) އިން ބުނެފައި ވަނީ ވޯޓްލުން ހަވީރު 5:00 އާ ހަމައަށް ކުރިއަށް ގެންދަން ނިންމާފައިވާ ކަމަށެވެ. ކައުންސިލަރުން ހޮވާ ތިން ދާއިރާ އަކީ ހެންވޭރު ދެކުނު ދާއިރާ އާއި މާފަންނު ދެކުނު ދާއިރާގެ އިތުރުން މެދު ހެންވޭރު ދާއިރާ އެވެ.
މޭޔަރު ކަމަށް ފަސް ކެންޑިޑޭޓަކު ވާދަކުރައްވާ އިރު، ގިނަ ބައެއްގެ ސަމާލުކަން ހުއްޓިފައި ވަނީ އެކަމަށެވެ.
މާލެ ސިޓީ މޭޔަރު ކަމަށް ވާދަކުރައްވާ މިޕާޓީގެ ކެންޑިޑޭޓް @adamazim ވޯޓު ލައްވައިފި.
މާލެ ސިޓީ ކައުންސިލް ބައި-އިލެކްޝަން 2024 ގެ ވޯޓުލުން ކުރިއަށް ދަނީ. pic.twitter.com/lnd6AjmTJe
— MDP Secretariat (@MDPSecretariat) January 13, 2024
ވާދަކުރައްވާ ކެންޑިޑޭޓުންނަކީ ޕީއެންސީގެ ޓިކެޓްގައި ވާދަކުރައްވާ ކުރީގެ އެޓާނީ ޖެނެރަލް އާޒިމާ ޝުކޫރާއި އެމްޑީޕީގެ ޓިކެޓްގައި ވާދަކުރައްވާ އާދަމް އާޒިމާއި ޑިމޮކްރެޓްސްގެ ޓިކެޓްގައި ވާދަކުރައްވާ ސައިފު ފާތިހުގެ އިތުރުން އަމިއްލަ ގޮތުން ވާދަކުރައްވާ ކުރީފެ ޕޮލިސް ކޮމިޝަނަރު ހުސައިން ވަހީދުގެ އިތުރުން އަލީ ޝުއައިބް (ފުރަހަނި) އެވެ.
މާލޭގެ މޭޔަރުގެ މަގާމުގެ ހުސްވީ އެ މަގާމުގައި ކުރިން ހުންނެވި ޑރ. މުހައްމަދު މުއިއްޒު މިދިޔަ އަހަރުގެ ރިޔާސީ އިންތިހާބު ކާމިޔާބު ކުރެއްވުމާ ގުޅިގެންނެވެ.