މިދިޔަ ހަފުތާގައި 3،000 އެއްހާ ޓޫރިސްޓުންނާ އެކީ ކްރޫޒްލައިނާއެއް ރާއްޖެ އަށް ޒިޔާރަތްކޮށްފައި ވަނިކޮށް އިތުރު ކްރޫޒްލައިނާއެއް އަތުވެއްޖެ އެވެ.
މޯލްޑިވްސް އެސޯސއޭޝަން އޮތް ޔޮޓް އޭޖެންޓްސް (މާޔާ) އިން ބުނީ ރޭ އިރާކޮޅު މާލޭގައި ބަނދަރުކުރީ ކްރޫޒް ޝިޕް އެމްއެސް. ލެ ޖަކުއެސް ކާޓާ ކަމަށެވެ. އެއީ ސީޝެލްސްގެ ޕޯޓް ވިކްޓޯރިއާއިން ފުރައިގެން އައި އެއްޗެކެވެ. މި ކްރޫޒްލައިނާ މާލޭގައި މަޑު ކުރުމަށް ފަހު، ބ. އަތޮޅަށް ދާ ގޮތަށް ވެސް ހަމަޖެހިފައިވެ އެވެ.
ފުލުހުން ވަނީ މިއަދާއި މަދަމާ ކްރޫޒްލައިނާ އިން ޓޫރިސްޓުން މާލެ ފައިބާނެތީ ރަސްމީ ފާލަން ސަރަހައްދުގެ ޓްރެފިކް ފްލޯއަށް ބަދަލުތަކެއް ވެސް ގެނެސްފަ އެވެ.