އިތުރު ހަ ސްކޫލެއްގައި ސްޓެމް އެޑިޔުކޭޝަން ފަށަން ކޮންސަލްޓެންޓުން ހޯދަން އިޢުލާންކޮށްފި އެވެ.
ސްޓެމް އެޑިޔުކޭޝަން ނުވަތަ ސައިންސް، ޓެކްނޮލޮޖީ، އިންޖިނިއަރިން އަދި މެތަމެޓިކްސް އެއްކޮށްލައިގެން ކިޔަވައި ދޭބް ނިންމާފައިވާ އިތުރު ސްކޫލްތަކަކީ ނ. ހޮޅުދޫގައި ހުންނަ މޭނާ ސްކޫލާއި ރ. ހުޅުދުއްފާރު ސްކޫލާއި ބ. އޭއީސީ އާއި ޅ. އޭއީސީ އާއި ހއ. އިހަވަންދޫ ސްކޫލާއި ކުޅުދުއްފުށީ އަފީފުއްދީން ސްކޫލްގެ އިތުރުން ށ. ފުނަދޫ ސްކޫލުގަ އެވެ.
މިއީ ވޯލްޑް ބޭންކުގެ އެހީގައި ހިންގާ އެޓޯލްސް އެޑިއުކޭޝަނަލް ޑިވެލޮޕްމަންޓް ޕްރޮޖެކްޓްގެ ދަށުން ހިންގާ މަޝްރޫއެކެވެ. މި މަޝްރޫގެ ދަށުން ރާއްޖޭގެ 28 ސްކޫލެއްގައި ސްޓެމް އެޑިޔުކޭޝަން ޕްރޮގްރާމް ކުރިއަށް ގެންދެ އެވެ.
މިއީ ވޯލްޑް ބޭންކުގެ އެހީގައި ހިންގާ އެޓޯލްސް އެޑިއުކޭޝަނަލް ޑިވެލޮޕްމަންޓް ޕްރޮޖެކްޓްގެ ދަށުން ހިންގާ މަޝްރޫއެކެވެ.
އެޑިޔުކޭޝަން މިނިސްޓްރީން ބުނީ ހޯދަނީ ކޮމްޕިއުޓަ ސައިންސް، ސޮފްޓްވެއަ އިންޖިނިއަރިން ނުވަތަ އެފަދަ އެހެން ދާއިރާއަކުން ޑިޕްލޮމާ ނުވަތަ އެއަށް ވުރެ މަތީ ފަންތީގެ ޕްރޮގްރާމިން ލެންގުއޭޖްތަކުގެ ތަޖުރިބާ، ކޮންސަލްޓެންޓަކު ކަމަށެވެ. މީގެ އިތުރުން އެއީ މައިކްރޯ ބިޓް ޕީޑީ އޮންލައިން ކޯސްތައް ފުރިހަމަކޮށްފައިވާ މައިކްރޯ ބިޓް ނުވަތަ އާޑުއިނޯ ފަދަ ފިޒިކަލް ކޮމްޕިއުޓިން ޑިވައިސްތަކަށް އަހުލުވެރިވެފައިވާ މީހަކަށް ވެސް ވާން ޖެހޭނެ އެވެ.
މިނިސްޓްރީން ބުނީ ގޮތުގައި ހަ އަލަށް ސްޓެމް އެޑިއުކޭޝަން ފަށަން ނިންމާފައިާ މި ހަ ސްކޫލުގައި ވެސް ސްޓެމް އެޑިޔުކޭޝަން މަސައްކަތްތަކަށާއި އަދި ޓްރެެއިނިންގ ކުރިއަށް ގެންދަން ކޮންސަލްޓެންޓުން ހޯދަނީ ތިން މަސް މަހަށެވެ.
އެހެންވެ މިކަމަށް ޝައުގުވެރިވާ ފަރާތްތަކަށް އެޕްލައި ކުރުމުގެ ފުރުސަތު މި މަހުގެ 25 އާ ހަމައަށް ވަނީ ހުޅުވާލައިފަ އެވެ.
ރާއްޖޭގެ ސްކޫލްތަކުގައި ސެޓެމް އެޑިޔުކޭޝަނަށް ވޯލްޑް ބޭންކުން 10 މިލިއަން ޑޮލަރު ކަނޑައަޅާފައިވެ އެވެ.