މާލޭގެ މޭޔަރުކަން ކާމިޔާބު ކުރެއްވި އެމްޑީޕީގެ ކެންޑިޑޭޓް އާދަމް އާޒިމަށް މަރުހަބާ ދަންނަވައި، އާ މޭޔަރު މާލޭގެ ފެންބޮޑުވާ މައްސަލަ ހައްލުކޮށް ދެއްވާނެ ކަމަށް އުންމީދު ކުރައްވާ ކަމަށް އެމްޑީޕީގެ ކުރީގެ ރައީސް މުހައްމަދު ނަޝީދު ވިދާޅުވެއްޖެ އެވެ.
މިހާރު ޑިމޮކްރެޓްސް އަށް ނިސްބަތްވާ ނަޝީދު ވިދާޅުވީ މި ފަހުން މާލޭގައި ފެންބޮޑުވާ މައްސަލައިގެ އަސްލު އާ މޭޔަރު ހޯއްދަވައި އެކަމަށް ހައްލު ގެނެސްދެއްވާނެކަމުގެ އުންމީދު އޮތް ކަމަށެވެ. ބޯކޮށް ވާރޭ ވެހިއްޖެ ނަމަ މިހާރު މާލޭފައި ފެންބޮޑުވާ މައްސަލަ ވަރަށް ބޮޑެވެ. މިދިޔަ ހުކުރު ދުވަހު ވެސް ފެންބޮޑުވެ، ގެއްލުންތަކެއްވެފައިވާ އިރު، މިދިޔަ މަހުގެ ތެރޭގައި ވެސް ފެންބޮޑުވެ، މާލޭގެ ގެތަކަށް ފެންވަދެ، އެކި ވަރުގެ ގެއްލުންވެފައިވެ އެވެ.
އާޒިމަށް ނަޝީދު މަރުހަބާ ވިދާޅުވި އިރު، އެ މަނިކުފާނުގެ ޕާޓީން ވެސް މޭޔަރު ކަމަށް ކެންޑިޑޭޑަކު ވާދަކުރެއްވި އެވެ. އެއީ ސައިފް ފާތިހެވެ.
އާޒިމް ބައި-އިލެކްޝަން ކާމިޔާބުކުރެއްވީ ވަގުތީ ނަތީޖާ ދައްކާ ގޮތުން ނަތީޖާ ދައްކާ ގޮތުން އާޒިމް ވަނީ 7،621 ވޯޓާ އެކީގަ އެވެ. ޕީއެންސީގެ ކެންޑިޑޭޓު އައިޝަތު އާޒިމާ ޝަކޫރަށް ލިބިވަޑައިގަތީ 5،031 ވޯޓެވެ. ޑިމޮކްރެޓްސްގެ ކެންޑިޑޭޓު ސައިފަށް ލިބިވަށައުގަތީ 2،434 ވޯޓެވެ. އަމިއްލަ ގޮތުން ވާދަކުރެއްވި ދެ ކެންޑިޑޭޓުންގެ ތެރެއިން ހުސައިން ވަހީދަށް 1،888 ވޯޓް ލިބިވަޑައިގަތް އިރު، ވެ. ޝުއައިބް އަލީ (ފުރަހަނި) އަށް ލިބިވަޑައިގަތީ 125 ވޯޓެވެ.