މެލޭޝިއާގައި ހުރި މަތީ ތައުލީމުގެ ފުރުސަތުތަކާ ބެހޭ ގޮތުން މައުލޫމާތު ދޭން ކިއު ސްޓަޑީ މޯލްޑިވްސް އިން ބާއްވާ " އިންޓަނޭޝަނަލް ސްޓަޑީ އެބްރޯޑް އެޑިއުކޭޝަން އެކްސްޕޯ" މިމަހުގެ 19 އަދި 20 ވަނަ ދުވަހު މާލޭގައި ބާއްވަން ނިންމައިފިއެވެ.
ކިއު ސްޓަޑީއިން ބުނީ މި އިވެންޓު ބޭއްވުމަށް ނިންމާފައިވަނީ އިސްލާމީ މަރުކަޒުގެ ހޯލުގައި 19 އަދި 20 ވަނަ ދުވަހުގެ ހަވީރު 5 އިން ރޭގަޑު 10 ޖެހުމާއި ހަމައަށެވެ.
މި އެކްސްޕޯގައި މެލޭޝިއާގެ އެންމެ ޓޮޕް ޔުނިވާސިޓީ ތަކުން ބައިވެރިވެއެވެ. އަދި އެކްސްޕޯ އަށް އަންނަ ފަރާތްތަކަށް ޔުނިވާސިޓީތަކާއި ކެމްޕަސްތަކުގައި ހުރި ކޯސްތަކާއި ސްކޮލަރޝިޕްގެ މައުލޫމާތާއި ޕްލޭސްމަންޓު ހަމަޖެއްސުން ފަދަ ކަންކަން ކުރިއަށް ގެންދިޔުމަށް ހަމަޖެހިފައިވެއެވެ.
މީގެ އިތުރުން މި އެކްސްޕޯ އައްޑޫ އަދި ފުވައްމުލަކުގައި ބޭއްވުމަށް ވަނީ ނިންމާފައެވެ. ފުވައްމުލަކުގައި އެކްސްޕޯ އޮންނާނީ ޖެނުއަރީ 22 ވަނަ ދުވަހު މެންދުރު 2 އިން ހަވީރު 6 އަށް މުހައްމަދު ޖަމާލުއްދީން ސްކޫލްގައެވެ.
އައްޑޫގައި އެކްސްޕޯ އޮންނާނީ ޖެނުއަރީ 24 ވަނަ ދުވަހު މެންދުރު 2 އިން ހަވީރު 6 ޖެހުމާއި ހަމައަށް އައްޑޫ ހައިސްކޫލް ހޯލްގައެވެ.
ކިއު ސްޓަޑީއިން ބުނީ މިއެކްސްޕޯއަށް ޒިޔާރަތްކޮށްގެން ކިޔަވަންދާ ދަރިވަރުންނަށް 250 ޑޮލަރުގެ ކޭޝްބެކް ލިބޭނެކަމަށެވެ.
ކިއު ސްޓަޑީއަކީ މެލޭޝިއާ އަށް ކިޔަވަން ރާއްޖޭގެ އެތައް ކުދިންނަށް ފުރުސަތު ހޯދާދީފައިވާ ބެލެނިވެރިންނާއި ދަރިވަރުންގެ އިތުބާރު ހޯދާފައިވާ ބައެކެވެ.