ހެލްތު މިނިސްޓަރަށް ލަފާދޭން ތިން ކޮމިޓީއެއް އުފައްދަން ސަރުކާރުން ނިންމައިފި އެވެ.
ކެބިނެޓުން އެގޮތަށް ނިންމެވުމާ ގުޅިގެން ރައީސް އޮފީހުގެ ޕްރިންސިޕަލް ސެކްރެޓަރީ ޓު ދަ ޕްރެޒިޑެންޓް އޮން ޕަބްލިކް ޕޮލިސީ ޢަބްދުﷲ ނާޒިމު އިބްރާހީމު ސިއްހީ ދާއިރާ އަށް ދިމާވާ ބޮޑެތި މައްސަލަތައް ހައްލުކުރުމަށްޓަކައި އެ ދާއިރާ ކުރިއެރުވުމަށް ޞިއްޙީ ދާއިރާއަށް ޚިދުމަތްކުރައްވާފައިވާ ދާއިރާގެ ތަޖްރިބާހުރި ފަރާތްތަކުގެ ލަފަ އާއި އިރުޝާދު ހެލްތު މިނިސްޓަރު ހޯއްދެއްވުމަށް ތިން ކޮމިޓީއެއް އެކުލަވާލަން ނިންމީ ކަމަށެވެ.
ކުރީގެ ހެލްތު މިނިސްޓަރު ވިދާޅުވި ގޮތުގައި އެ ތިން ކޮމިޓީއަކީ ހެލްތު އެޑްވައިޒަރީ ކޮމިޓީ، ޕަބްލިކް ހެލްތު އެޑްވައިޒަރީ ކޮމިޓީގެ އިތުރުން، ކިއުރޭޓިވް ހެލްތު އެޑްވައިޒަރީ ކޮމިޓީ އެވެ.
ރައީސް ޑރ. މުހައްމަދު މުއިއްޒުގެ ސަރުކާރުގެ ހެލްތު މިނިސްޓަރަކީ ޑރ. އަބްދުﷲ ހަލީލެވެ.