ރާއްޖޭގެ ކުޅިވަރު ދާއިރާގައި ހަރަކާތްތެރިވެފައިވާ މީހުންގެ ބޭނުން ވީހާ ވެސް ބޮޑަށް ހިފުމަށްޓަކައި ނެޝަނަލް ސްޕޯޓްސް ވެޓަރަންސްގެ ދަފުތަރެއް އެކުލަވާލަން ސަރުކާރުން ނިންމައިފި އެވެ.
މި ގޮތަށް ރައީސް ޑރ. މުހައްމަދު މުއިއްޒުގެ ސަރުކާރުގެ ކެބިނެޓުން އިއްޔެ ނިންމީ ސްޕޯޓްސް މިނިސްޓްރީން ހުށަހެޅި ކަރުދާހެއްގެ މައްޗަށް މަޝްވަރާ ކުރެއްވުމަށް ފަހު އެވެ.
މިކަމާ ބެހޭ ގޮތުން ރައީސް އޮފީހުގެ ޕްރިންސިޕަލް ސެކްރެޓަރީ ޓު ދަ ޕްރެޒިޑެންޓް އޮން ޕަބްލިކް ޕޮލިސީ އަބްދުﷲ ނާޒިމް ވިދާޅުވީ ދަފުތަރުގެ މައިގަނޑު މަގުސަދަކީ ކުޅިވަރު ދާއިރާގައި ހަރަކާތްތެރިވެ ތަޖުރިބާ ލިބިފައިވާ މީހުންގެ ހިދުމަތް ފާހަގަކުރުމާއި، އެ މީހުން މުޖުތަމައުގައި ބާކީވެގެން ދިޔަ ނުދިނުމާއި، އަގު ވަޒަންކުރުމާއި އަދި އެ މީހުންގެ ޚިދުމަތް ހޯދަން ބޭނުންވާ ފަރާތްތަކަށް ފަސޭހަ އިން މަޢުލޫމާތުލި ބޭނެ މަގުފަހިކޮށް ރެކޯޑް ބެލެހެއްޓުން ކަމަށެވެ.
"މި އެކުލަވާލެވޭ ދަފްތަރުގެ ޒަރީޔާއިން ރާއްޖޭގައި ކުޅިވަރު ކުޅުމާއި، ހިންގުމުގައި ހަރަކާތްތެރިވެފައިވާ ފަރާތްތައް ދެނެގަނެ އެފަރަތްތަކުގެ މަޢުލޫމާތާއި، ޚިދުމަތްތައް ރެކޯޑްކުރުމާއި، މިހާރުގެ ކުޅިވަރު ޖީލުތަކަށް އެފަރާތްތައް ތަޢާރަފްކޮށްދީ އެފަދަ ފަރާތްތަކުގެ އެހީގައި ކުޅިވަރު ތަރައްގީކޮށް ހިންގުމުގައި އެ ފަރާތްތަކުގެ ބައިވެރިވުން އޮންނާނޭ ނިޒާމެއް ގާއިމުކޮށް އެފަދަ ފުރުސަތުތައް ފަހިކޮށް ދިނުމަށް ނެޝަނަލް ސްޕޯޓްސް ވެޓަރަންސް އެމްބެސެޑަ ޕްރޮގްރާމެއް ފެށިގެން ދާނެ." ނާޒިމު ވިދާޅުވި އެވެ.