ދައުލަތުގެ ބެލުމުގެ ދަށުގައި ތިބި ކުދިން ފޮސްޓަކުރުމުގެ ފުރުސަތު ސޯޝަލް އެންޑް ފެމިލީ މިނިސްޓްރީން ހުޅުވާލައިފި އެވެ.
އެ މިނިސްޓްރީން ބުނީ އަޅާލާނެ ބަޔަކު ނެތުމުން ދައުލަތުގެ ބެލުމުގެ ދަށުގައި ތިބި ކުދިން ވަގުތީ ގޮތުން ފޯސްޓާ ކުރުމަށް ބޭނުންވާ މީހުންނަށް އެފުރުސަތު މިހާރު ހުޅުވާލާފައިވާ ކަމަށެވެ. އެގޮތުން ޝައުގުވެރިވާ މީހުން މިނިސްޓްރީގެ ހޮޓްލައިން 1433 އަށް ގުޅައި، ނަން ނޯޓްކުރެވޭނެ ކަމަށް ބުންޏެވެ.
ދައުލަތުގެ ބެލުމުގެ ދަށުގައި ތިބި ކުދިން އާއިލާތަކުގެ ތެރޭގައި ބޮޑުކުރުމަށްޓަކައި އާއިލާތަކާ ހަވާލުކޮށްގެން ނުވަތަ ފޮސްޓާކޮށްގެން ބެލުމުގެ ޕްރޮގްރާމު "ކޮންމެ ކުއްޖަކަށް އާއިލާއެއް" ގެ ނަމުގައި ޕޮރަގްރާމެއް ފެށީ މިދިޔަ އަހަރުގެ ޑިސެމްބަރު މަހުގެ 10 ގަ އެވެ. އެގޮތުން މިއީ ސަރުކާރުގެ "ހަފުތާ 14" ގެ ތެރޭގައި ވެސް ހިމެނޭ ކަމެކެވެ.
ދައުލަތުގެ ބެލުމުގެ ދަށުގައި މިހާރު ވެސް 164 ކުދިން އެބަތިއްބެވެ.
މިނިސްޓްރީން ބުނި ގޮތުގައި "ކޮންމެ ކުއްޖަކަށް އާއިލާއެއް" ގެ މަގުސަދަކީ ދައުލަތުގެ ބެލުމުގެ ދަށުގައި ތިބި ކުދިން ބަލަން ބޭނުންވާ އާއިލާތަކަށް ދިގު މުއްދަތަކަށް ނުވަތަ ދާއިމީ ގޮތުން އެ ކުއްޖާގެ ބެލެނިވެރިކަން ހަވާލުކުރުމެވެ. ނަމަވެސް ވަގުތީ ގޮތުން ކުއްޖާ ބެލުމާ ހަވާލުވާ ނަމަ ހަވާލުކުރަނީ ދެ އަހަރަށެވެ.
މިނިސްޜްރީން ބުނީ މިކަމާ ގުޅޭ މައުލޫމާތު ދިނުމުގެ ސެޝަންތަކެއް މާލެ އާއި ވިލިމާލގެ އިތުރުން ހުޅުމާލޭގައި ކުރިއަށް ގެންދަން ވެސް ނިންމާފައިވާ ކަމަށެވެ.