ރައްޔިތުންގެ މަޖިލީހުގެ މުވައްޒަފުންނަށް ބޭނުންވާ ތަމްރީނުތައް އަލުން ސްރީ ލަންކާގައި ފެށުމާ ގުޅޭ ގޮތުން މަޝްވަރާކޮށްފި އެވެ.
މިކަމާ ގުޅޭ ގޮތުން މަޝްވަރާކުރީ މަޖިލީހުގެ ރައީސް މުހައްމަދު އަސްލަމް މިހާރު އެ ގައުމަށް ކުރައްވަމުން ގެންދަވާ ރަސްމީ ދަތުރުގެ ތެރޭގަ އެވެ.
Hon. Mahinda Yapa Abeywardena, Speaker of Sri Lanka’s Parliament, meets with Hon. Mohamed Aslam, Speaker of the People's Majlis. pic.twitter.com/WK4TA3O7Pf
— People's Majlis (@mvpeoplesmajlis) January 16, 2024
މަޖިލީހުގެ މުވައްޒަފުން ލަންކާގައި ކުރިއެކޭ އެއްގޮތަށް ތަމްރީނުކުރުމާ ގުޅޭ ގޮތުން މަޝްވަރާކުރީ އެ ގައުމުގެ ގާނޫނު ހަދާ މަޖިލީހުގެ ރައީސް މަހިންދަ ޔާޕާ އަބެވަރްދޭނާއާ އެވެ. އެ ބައްދަލުވުމުގައި ރާއްޖެ އާއި ލަންކާއާ ދެމެދު އޮތް ޒަމާންވީ ގާތް ގުޅޫމާ ބެހޭ ގޮތުން މަޝްވަރާކުރައްވާފައިވެ އެވެ.
އަންނަ ހުކުރު ދުވަހާ ހަމައަށް އަސްލަމް ލަންކާ އަށް ކުރައްވާ ދަތުރުގެ ތެރެއިން އިއްޔެ ލަންކާގެ އެކްޓިން ފޮރިން މިނިސްޓަރު ތަރަކާ ބަލަސޫރިޔާއާ ވެސް ބައްދަލުކުރައްވައިފަ އެވެ.