މާލެ ސަރަހައްދުގައި 3 މިސްކިތެއް އެޅުމަށް އަމިއްލަ ފަރާތްތަކުން ހުށަހަޅާފައިވާ ކަމަށް އިސްލާމީ ކަންތައްތަކާއި ބެހޭ ވަޒީރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެއެވެ.
ވަޒީރު މިކަން ހާމަކޮށް އެކްސްގައި ކުރެއްވި ޕޯސްޓެއްގައި ވިދާޅުވީ، ވިދާޅުވީ މާލޭގައި 3 ބުރީގެ މިސްކިތަކާއި ހުޅުމާލޭގައި 2 މިސްކިތެއް އަމިއްލަ ފަރާތްތަކުގެ އެހީގައި އެޅުމަށް ފުރުސަތު ލިބިފައިވާ ކަމަށެވެ. އަދި އެފަރާތްތަކަށް އެ ފުރުސަތު ފަހިވެގެން ދާނެ ކަމަށް ވިދާޅުވިއެވެ.
"އަމިއްލަ ފަރާތްތަކެއްގަ ދީލަތި އެހީގައި ހުޅުމާލެގައި އިތުރު 2 މިސްކިތް، މާލެގައި ތިންބުރީގެ 1 މިސްކިތް އެޅުމަށްވަނީ ފުރުޞަތުލިބިފަ. އިންޝާ ﷲ އެފަރާތްތަކަށް އެފުރުޞަތު ފަހިވެގެންދާނެ. ކުރިއަށް އޮތް ދޮޅުއަހަރު ތެރޭ މިތަންތަނުގެ މަސައްކަތް ނިމޭނެ އިންޝާ ﷲ. " ޝަހީމް ވިދާޅުވިއެވެ.
މިނިސްޓަރ މިކަން އިއުލާން ކުރައްވާފައިވާއިރު، މިއަދު ހުޅުމާލެ ފޭސް 2 ގައި އާބަންކޯގެ ފަރާތުން ވަނީ ރޯދަމަހަށް ތައްޔާރުވުމަށް 150 މީހުންގެ ޖާގައިގެ ވަގުތީ މިސްކިތެއް ބިނާކުރުމަށް ނިންމާފައެވެ.
މިދިޔަ ޑިސެމްބަރު މަހު މިނިސްޓަރ ޝަހީމް ވަނީ އަމިއްލަ ފަރާތްތަކަށް މިސްކިތް ބިނާކުރަން ބޭނުންނަމަ އެ ވުޒާރާގެ އެހީތެރިކަން ލިބޭނެކަން އިއުލާން ކުރައްވާފައެވެ. އެގޮތުން ވިޔަފާރިވެރިންނާއި އެކަކަށްވުރެ ގިނަ މީހުން ވެގެން މިސްކިތެއް ބިނާ ކުރަން ބޭނުންވާ ފަރާތްތަކަށް އަތޮޅުތަކާއި ސިޓީތަކުގައި އެކަން ފަހިކޮށްދިނުމަށް އެހީތެރިކަން ފޯރުކޮށްދެއްވާނެ ކަމަށް މިނިސްޓަރ ވިދާޅުވިއެވެ.