ވަރަށް ބޮަޑަށް ހުސް އައިސްފައި ހުރި ނަމަވެސް އަޖޭ ދޭވްގަން އޭނާގެ ކުރިއަށް އޮތް ފިލްމް "ޑްރިޝަމް" ޝޫޓިން ފަށައިފި އެވެ.
މިދިޔަ ހަފުތާ އިން ފެށިގެން އެ ފިލްމުގެ ޝޫޓިން ކުރިއަށް ދަނީ ގޯއާގަ އެވެ.
"ޑްރިޝަމް" އަކީ ހަމަ އެ ނަމުގައި އުފެއްްދި މަލަޔާޅަމް ފިލްމެއްގެ ރިމެކިންއެކެވެ. މި ފިލްމް ޑައިރެކްޓް ކުރަނީ ނިޝިކާންތު ކަމަތު އެވެ.
އަޖޭ އާ އެކު ބަތަލާއެއްގެ ގޮތުގައި "ޑްރިޝަމް" އިން ފެނިގެން ދާނީ ބޮލީވުޑަށް ވުރެ ބޮޑަށް، ސައުތު ފިލްމުތަކުން ފެންނަ މަޝްހޫރު ތަރިއެއް ކަމަށްވާ ޝްރިޔާ ސަރަން އެވެ.
މީގެ އިތުރުން މި ފިލްމުގެ މުހިއްމު ރޯލަކުން ތައްބޫ ވެސް ފެނިގެން ދާނެ އެވެ.
އަޖޭ އެންމެ ފަހުން ފެނިގެން ދިޔައީ މިދިޔަ އަހަރު ރިލީޒްވި "އެކްޝަން ޖެކްސަން" އިންނެވެ. އެ ފިލްމަށް ބޮކްސް އޮފީހުގައި މާ ބޮޑު ކާމިޔާބީއެއް ލިބިފައެއް ނުވެ އެވެ.