އައްޑޫގައި ފުލުހުންނަށް ހާއްސަކޮށްގެން ހިންގި ފިޓްނަސް މެނޭޖްމަންޓް ޓްރެއިނިން ކޯސް ނިންމާލައިފި އެވެ.
އައްޑޫ ޕޮލިސް ކޮލެޖްގައި ބޭއްވި މި ކޯހަކީ ފުލުހުންނާއި އިންޑިއާގެ ސަރުދާރު ވައްލަބައި ޕަޓެލް ނެޝަނަލް ޕޮލިސް އެކަޑަމީ ގުޅިގެން ބޭއްވި ކޯހެކެވެ. މި މަހުގެ 15-19 އަށް ކުރިއަށް ގެންދިޔަ މި ކޯހުގައި 17 ފުލުހަކު ބައިވެރިވެ ކޯސް ފުރިހަމަކޮށްފައިވެ އެވެ.
ކޯސް ނިންމަން ބޭއްވި ރަސްމިއްޔާތު ޝަރަފުވެރިކޮށް ދެއްވީ ނޭޝަނަލް ކޮލެޖް އޮފް ޕޮލިސިން އެންޑް ލޯ އެންފޯސްމަންޓުގެ ޓްރެއިނިން އެންޑް އެޑިއުކޭޝަން ހެޑް، ސުޕްރިންޓެންޑެންޓް އޮފް ޕޮލިސް މުޙައްމަދު ސޮބާހެވެ.
އޭނަގެ ވާހަކައިގައި ސަރުދާރު ވައްލަބައި ޕަޓެލް ނެޝަނަލް ޕޮލިސް އެކަޑަމީގެ ފަރާތުން ދިވެހި ފުލުހުންނަށް ހިންގި ކޯހަކީ ވަރަށް މުހިންމު ކޯހެއްކަން ފާހަގަ ކުރައްވައި ކޯހުގެ ސަބަބުން ދިވެހި ފުލުހުންގެ ފިޓްނަސް ރަނގަޅުވެގެން ދާނެ ކަމަށް ވިދާޅުވިއެވެ.
ސޮބާހް ވަނީ މި ކޯހުން ދަސްވި ކަންކަމުގެ ބޭނުން ރަނގަޅު ގޮތުގައި ހިފުމަށް ކޯހުގެ ބައިވެރިންގެ ފަރާތުން އެދިވަޑައިގެންފި އެވެ.