އިސްރަށްވެހިންނާއި ނުކުޅެދުންތެރިކަން ހުންނަ މީހުންގެ ޤައުމީ ދަފުތަރެއް އެކުލަވައިލުމަށް ސާވޭއެއް ކުރަން ނިންމައިފި އެވެ.
އެގޮތަށް ނިންމީ އިއްޔެގެ ކެބިނެޓް ބައްދަލުވުމުގަ އެވެ.
އިސްރަށްވެހިންނާއި ނުކުޅެދުންތެރިކަން ހުންނަ މީހުންގެ ގައުމީ ދަފުތަރެއް އެކުލަވައިލުމަށް ސާވޭއެއް ކުރަން ނިންމީ ކައުންސިލްތަކާ ބެހޭ މިނިސްޓްރީން ހުށަހެޅި ކަރުދާހަކަށް މަޝްވަރާކުމަށް ފަހު އެވެ.
އެގޮތުން ވަނީ ނުކުޅެދުންތެރިކަން ހުންނަ ފަރާތްތަކާއި، ދޮށީ އުމުރުގެ މީހުންގެ ޤައުމީ ދަފުތަރު އެކުލަވައިލުމަށް ޤައުމީ ފެންވަރުގައި ސާވޭއެއް ކުރިއަށްގެން ދިއުމަށްވެ. ސާވޭ ޕްލޭންކުރުމުގައި ކަމާގުޅުން ހުރި އިދާރާތައް ޝާމިލުވާ ޓެކްނިކަލް ޓީމެއް އެކުލަވައިލުމަށާއި އާބާދީ 1،000 އަށް ވުރެ މަދު ރަށްތަކުގައި ސާވޭ ކުރިއަށް ގެންދާނީ ރަށު ކައުންސިލްތަކުން ކަމަށް ވެސް ކަނޑައަލާފައިވެ އެވެ.
އާބާދީ 1،000 އަށް ވުރެ މަތި ނަމަ، ވޮލަންޓިއަރުންގެ އެހީތެރިކަމާ އެކީ ސާވޭ ކުރިއަށްގެންދާނެ އުސޫލެއް ކަނޑައެޅުމަށާއި އެއްކުރެވޭ މަޢުލޫމާތުގެ އަލީގައި، ދައުލަތުގެ ނިޒާމުގެ ތެރެއަށް ނުވަދެވި، ހަވާސާވެފައި ތިބި ދޮށީ އުމުރުގެ މީހުންނާއި، ނުކުޅެދުންތެރިކަން ހުންނަ ފަރާތްތައް ފާހަގަކޮށް، އެ މީހުންނަށް ފުރަތަމަ މަރުޙަލާގައި ދޭން ޖެހޭ އެހީތެރިކަމަކީ ކޮބައިކަން ދެނެގަނެ، ބޭނުންވާ އެހީތެރިކަން މިނިސްޓްރީން ފޯރުކޮށް ދިނުމަށް ވެސް ނިންމާފައި އެވެ.