މާޗްގައި ބާއްވާ ރައްޔިތުންގެ މަޖިލީހުގެ އިންތިހާބުގައި އަމިއްލަ އަށް ވޯޓުލުމަށް ބޭނުންވާ މީހުން ރަޖިސްޓްރީވާން ހުޅުވާލައިފި އެވެ.
އިލެކްޝަން ކޮމިޝަން (އީސީ) ގެ ނައިބު ރައީސް އިސްމާއިލް ހަބީބް ސޯޝަލް މީޑިއާ ޕޯސްޓެއްގައި ވިދާޅުވީ މިދިޔަ ރިޔާސީ އިންތިހާބުގައި ލޯފަން މީހުން މީހެއްގެ އެހީއާ ނުލައި ވޯޓްލާން ބޭނުންކުރި ޓެމްޕްލޭޓް ބޭނުންކޮށްގެން ވޯޓުލުމަށް އެދޭ ލޯފަން މީހުން ރަޖިސްޓްރީވާން އަންނަ މަހުގެ 4 އާ ހަމައަށް ހުޅުވާލާފައިވާ ކަމަށެވެ.
ރައްޔިތުންގެ މަޖިލީހުގެ އިންތިޚާބުގައި، ފެނުމުގެ ނުކުޅެދުންތެރިކަން ހުންނަ މީހަކު، އެހެން މީހެއްގެ އެހީތެރިކަމާ ނުލައި ވޯޓުލުމުގެ އިންތިޒާމް ހަމަޖެއްސުމުގެ ގޮތުން، އެ ފަރާތްތައް ރަޖިސްޓަރީކުރުމުގެ ފުރުޞަތު އިލެކްޝަންސް ކޮމިޝަނުން ހުޅުވާލައިފި.
ފެނުމުގެ ނުކުޅެދުންތެރިކަން ހުންނަ…— Ismail Habeeb (@IsmailHabeeb) January 21, 2024
ރަޖިސްޓްރީވާން ގުޅާނީ އީސީގެ ހޮޓްލައިން 1414 އަށެވެ.
އީސީން ބުނީ އެ ނަމްބަރުގެ ހިދުމަތްދޭނީ ރަސްމީ ދުވަސްތަކުގެ ހެނދުނު 8:00 އިން ރޭގަނޑު 10:00 އަށް، އަދި ރަސްމީ ބަންދު ދުވަސްތަކުގައި ހެނދުނު 9:00 އިން ރޭގަނޑު 10:00 އަށް ކަމަށެވެ. މީގެއިތުރުން ހުކުރު ދުވަހު ހިދުމަތް ލިބޭނީ މެންދުރު ފަހު 3:00 އިން ހަވީރު 6:00 އަށެވެ.
މަޖިލިސް އިންތިހާބު ބާއްވަން ހަމަޖެހިފައި ވަނީ މާޗް މަހުގެ 17 ގަ އެވެ.