އައްޑޫން ގޯތި ލިބޭ މީހުންގެ މެދުގައި ގުރުނެގުން މި ހަފުތާގައި ބާއްވަން ނިންމައިފި އެވެ.
ކައުންސިލުން ބުނީ މިކަމާ ގުޅޭ ހުރިހާ މަސައްކަތްތަކެއް މިހާރު ނިމިފައިވާ ކަމަށެވެ.
އައްޑޫ ގޯތި ލިބޭ މީހުންގެ ޕޮއިންޓް ލިސްޓް ކައުންސިލުން އާންމުކުރީ މިދިޔަ އަހަރުގެ ނޮވެމްބަރުގަ އެވެ. އަދި ލިސްޓަށް ޝަކުވާ ހުށަހެޅުމުގެ ފުރުސަތު މިދިޔަ މަހުގެ 10 އާ ހަމައަށް ހުޅުވައިލި އެވެ. ކައުންސިލުން ބުނީ ޝަކުވާތައް ބަލައި ނިންމުމަށް ފަހު، މިހާރު ތައްޔާރު ވަނީ ގުރުއަތުލުން ބޭއްވުމަށް ކަމަށެވެ.
މިދިޔަ އަހަރުގެ ކުރީކޮޅު އައްޑޫ އިން 1،000 ގޯތި ދޭން އިއުލާންކުރި އެވެ. އެއީ ހަތަރު އަވަށަކުންނެވެ. އެގޮތުން ހިތަދޫން 500، ފޭދޫން 300، މީދޫން 100 އަދި ހުޅުދޫން 100 ގޯއްޗަށް ހުޅުވައިލި އެވެ. އައްޑޫން ގޯތި ދޫނުކުރާތާ ގިނަ އަހަރުތަކެއް ފަހުން ގޯއްޗަށް ހުޅުވައިލުމުން 4،000 އަށް ވުރެ ގިނަ މީހުން ކުރިމަތިލި އެވެ.
އެހެންވެ ކައުންސިލުން ނިންމާފައި އޮތީ ޝަރުތު ހަމަވާ އެންމެންނަށް ގޯތި ދިނުމަށެވެ.