ކުރިން އައްޑޫގެ ފަޔާ ސްޓޭޝަންގެ ގޮތުގައި ބޭނުން ކުރި އިމާރާތް ޕޮލިޓެކްނިކްގެ ޕްރޮގްރާމްތައް ހިންގަން ހަވާލުކޮށްފި އެވެ.
އައްޑޫ ސިޓީ ކައުންސިލުން އެ އިމާރާތް ޕޮލިޓެކްނިކާ ހަވާލު ކުރީ އެއް އަހަރުގެ މުއްދަތެވެ.
ހިތަދޫގައި ހުންނަ އެ އިމާރާތް ހަވާލު ކުރުމުގެ އެއްބަސްވުމުގައި ކައުންސިލާއި ޕޮލިޓެކްނިކާ ދެމެދު ސޮއި ކުރީ އިއްޔެ އެވެ.
މޯލްޑިވްސް ޕޮލިޓެކްނިކަކީ 2010 ގައި އުފައްދާފައިވާ އިންސްޓިޓިއުޝަނެކެވެ.
އެތަނުގެ ބޭނުމަކީ ރާއްޖެ އަށް ބޭނުންވާ ހުނަރުވެރި މަސައްކަތްތެރިން ތަމްރީނު ކުރުމާއި ވަޒީފާތަކަށް ކުރިމަތިލާ ޒުވާނުންނަށް ބޭނުންވާ ތަމްރީނުތައް ދިނުމާއި ރާއްޖޭގައި ވަޒީފާ އަދާ ކުރާ ބިދޭސީންގެ އަދަދު މަދު ކުރުމެވެ.