ފުވައްމުލަކުގައި އެކްސިޑެންޓްވެގެން ފަރުވާ އަށް މިދިޔަ އާދީއްތަ ދުވަހު މާލެ ގެންދިޔަ މީހާ މިއަދު މަރުވެއްޖެ އެވެ.
އެ ސިޓީގެ ބޮޑުފަންނު މަގުގައި ހޮނިހިރު ދުވަހުގެ ރޭ ދުއްވާފައި ދަނިކޮށް ސައިކަލް ކޮންޓްރޯލް ނުވެ ފާރެއްގައި ޖެހިގެން ހިނގި ހާދިސާގައި މަރުވީ ފުވައްމުލަކު އާސްމާނުގޭ، އިބްރާހިމް ސިމާން، 30، އެވެ.
ފުވައްމުލަކު ހޮސްޕިޓަލްގައި ފަރުވާ ދިނުމަށް ފަހު އޭނަ އިމަޖެންސީގައި މާލެ ގެންދިޔައީ އާދިއްތަ ދުވަހުގެ ފަތިހު އެވެ. އައިޖީއެމްއެޗްގައި ވެންޓިލޭޓަރުގައި ބާއްވައިގެން ފަރުވާ ދެނިކޮށް ސިމާން މަރުވީ މިއަދު ހެނދުނު 8:15 ހާއިރު އެވެ.
ފުލުހުން ބުނެފައި ވަނީ އެކްސިޑެންޓްގެ މައުލޫމާތު ފުލުހުންނަށް ލިބުނީ ހޮނިހިރު ދުވަހުގެ ރޭ 10:15 އެހާކަށްހާ އިރު ކަމަށެވެ. މި ހާދިސާ އަންނަނީ އިތުރަށް ތަހުގީގު ކުރަމުންނެވެ.
ސިމާންގެ ޖަނާޒާ ބާއްވަން ހަމަޖެހިފައި ވަނީ މިއަދު އަސްރު ނަމާދަށް ފަހު ހުޅުމާލޭގެ ސަހަރާ މިސްކިތުގަ އެވެ.