އައްޑޫ އެކި ކަންކަމަށް ބޭނުންވާ ވެލި ނެގުމަށް ތިން ސަރަހައްދެއް ކަނޑައަޅާފައިވާތީ، އެ ސަރަހައްދުތަކުގެ އެންވަޔަރަމަންޓަލް އިމްޕެކްޓް އެސެސްމަންޓް (އީއައިއޭ) ހަދާނެ ބަޔަކު ހޯދަން އައްޑޫ ސިޓީ ކައުންސިލުން އިއުލާންކޮށްފި އެވެ.
ވެލި ނަގަން ނިންމާފައި ވަނީ މަރަދު އާއި ހިތަދޫގެ ތިން ސަރަހައްދަކުންނެވެ.
އެ ތިން ސަރަހައްދުގެ ގޮނޑުދޮށުން ވެލި ނެގުުމުގެ މައިގަނޑު ބޭނުމަކީ މަގުތައް މަރާމާތު ކުރުމަށާއި ރައްޔިތުންގެ އެކި ބޭނުންތަކަށް ވެލި ލިބޭނެ ގޮތް ހެދުމެވެ.
ކައުންސިލުން ނެރުނު އިއުލާނެއްގައި ބުނީ އެކަމަށް ޝައުގުވެރިވާ ފަރާތްތަކަށް ކުތިމަތިލުމުގެ ފުރުސަތު އަންނަ މަހުގެ 12 ވަނަ ދުވަހާ ހަމައަށް ހުޅުވާލައިފައިވާ ކަމަށެވެ.
މިކަމާ ބެހޭ ގޮތުން މައުލޫމާތު ދިނުން އެޕްރީލް މަހުގެ 5 ވަނަ ދުވަހު ކައުންސިލް އިދާރާގައި އޮންނާނެ އެވެ. އެއީ ހެނދުނު 11:00 ގަ އެވެ.