ކުރީގެ ރައީސް އަބްދުﷲ ޔާމީން ނަންގަވައި ދެއްވި އިގުތިސާދީ ޓިއުޝަން ކުލާހުން މިހާރުގެ އިކޮނިމިކް މިނިސްޓަރު މުހައްމަދު ސައީދު ފާސްނުވާ ކަމަށް ވިދާޅުވެ، ކުރީގެ މިނިސްޓަރު މުހައްމަދު މަލީހު ޖަމާލު ބަހުގެ ހަމަލާއެއް ދެއްވައިފި އެވެ.
އޭނަ އެގޮތަށް ވިދާޅުވީ ޔާމީނަށް އިޝާރާތް ކުރައްވައި ސައީދު ދެއްކެވި ވާހަކަތަކަކާ ގުޅިގެންނެވެ. ޔާމީންގެ ސަރުކާރުގައި އިކޮނޮމިކް މިނިސްޓަރުކަން ކުރެއްވި ސައީދި އިއްޔެ ރޭ ވިދާޅުވީ ދައުލަތުގެ އާމްދަނީ އިތުރު ކުރަން ގާނޫނުތަކުގައި ތަޅު އަޅުވައި، ފައިސާ ޗާޕުކޮށް ހަރުމުދާ ނުވިއްކާނެ ކަމަށެވެ.
އޭގެ ރައްދުގައި މަލީހު ވިދާޅުވީ އޭނަގެ އެ ވާހަކަ ދައްކުވައި ދެނީ ޔާމީން ނަންގަވައި ދެއްވި އިގުތިސާދީ ޓިއުޝަން ކުލާހުން ސައީދު ފާސްނުވާކަން ކަމަށެވެ.
"އާމްދަނީ ހޯދާނެ ގިނަ ފިލާވަޅުތައް ނަންގައި ދެއްވި ކްލާސްތަކަށް ސައީދު ވީ އެބްޒެންޓް." އޭނަ ވިދާޅުވި އެވެ.
އެހެންވެ ސައީދު ދައްކަވަން ޖެހިވަޑައިގަންނަވާނީ ފުނަދޫ ސީޕްލޭން ޓާމިނަލް އެޅުމާއި 2028 އާ ހަމައަށް 25 މިލިއަން ޓޫރިސްޓުން ގެނައުން ފަދަ ހޮޅި ވާހަކަތައް ކަމަށް މަލީހު ވިދާޅުވި އެވެ.