"ޕްރެކްޓިސް ޕާލިމެންޓް ފޯ ވިމެން" ޕްރޮގްރާމުގައި ބައިވެރިވުމުގެ ފުރުސަތު ހުޅުވާލާފި އެވެ.
ރައްޔިތުންގެ މަޖިލީހާއި ޔޫއެންޑީޕީ މޯލްޑިވްސް އާއި އޮސްޓްރޭލިއަން އެއިޑާއި ސޯޝަލް މިނިސްޓްރީ ގުޅިގެން ހިންގާ މި ޕްރޮގުރާމުގައި ބައިވެރިވުމުގެ ފުރުޞަތު ހުޅުވާލާފައި ވަނީ 25 އަހަރުން މަތީގެ އަންހެނުންނަށެވެ. ބައިވެރިވާން ޝައުގުވެރިވާ މީހުންނަށް އެޕްލައި ކުރުމުގެ ފުރުސަތު މި މަހުގެ 27 އާ ހަމައަށް ވަނީ ހުޅުވާލައިފަ އެވެ.
ޕްރޮގުރާމް ބާއްވާނީ އަންނަ މަހުގެ 18-24 އަށް މާލޭގަ އެވެ.
ޔޫއެންޑީޕީން ބުނީ ޕްރޮގުރާމުގައި ބައިވެރިން ހޮވާނީ ބެޗްތަކަކަށް ބަހާލައިގެން ކަމަށެވެ. އެގޮތުން ކޮންމެ ބެޗަކުން 40 މީހަކަށް ފުރުޞަތު ދޭނެ އެވެ. އަދި ޕްރޮގްރާމަށް ބައިވެރިން ހޮވާ އިރު، ސިޔާސީ ޕާޓީތަކާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކާއި އެންޖީއޯތަކުގައި ހަރަކާތްތެރިވެފައިވާ މިންވަރަށް ބަލާނެކަމަށެވެ.
"ޕްރެކްޓިސް ޕާލިމެންޓް ފޯރ ވިމެން" އަކީ 2021 ގައި ފެށި ޕްރޮގްރާމެކެވެ.