މި ވަގުތު ޗުއްޓީގައި އޮތް ރައްޔިތުންގެ މަޖިިލީހުގެ ދައުރުން ބޭރުން ޖަލްސާއެއް ބާއްވަން މަސައްކަތް ފަށައިފި އެވެ.
ދައުރުން ބޭރުން ޖަލްސާއއް ބާއްވަން މަސައްކަތް ކުރަނީ ބޮޑެތި މައްސަލަަތަކެއް މި ވަގުތު ހުރުމުން ޖަލްސާތައް ހުރުމާ ގުޅިގެން ކަމަށް ބައެއް މެންބަރުންގެ ފަރާތުން އެނގިފައިވެ އެވެ. އެގޮތުން ރައްޔިތުންގެ މަޖިލީހުގެ އިންތިހާބު ރޯދަ މަހު ބާއްވަން ނިންމާފައިވާތީ އާއި މެމްބަރުންތަކެއް ޕާޓީ ބަދަލުކުރަމުން ދިއުމާއި ފަހަކަށް އައިސް އިންތިހާބުތަކުގައި ވޯޓުލާން ނުކުންނަ މީހުން މަދުވުން ފަދަ މައްސަލަތަކާ ގުޅޭ ގޮތުން އިދިކޮޅު ފަރާތްތަކުން ޖަލްސާއެއް ބާއްވަން އަންނަނީ މަސައްކަތް ކުރަމުންނެވެ.
އިންތިހާބުތައް ރޯދަ މަހު ބޭއްވުން މަނާ ކުރަން، އިންތިޚާބުތަކާ ބެހޭ އާންމު ގާނޫނަށް އިސްލާހެއް ގެންނަން ވެސް ހުށަހަޅާފައިވާ އިރު، ގއ. ވިލިނގިލިން ހާލުބޮޑުވި ކުއްޖަކު މާލެ ގެނައުން ލަސްވެ، މަރުވި މައްސަލަ ވެސް މަޖިލީހަށް އޮތީ ހުށަހަޅައިފަ އެވެ.
ޗުއްޓީ އަށް ފަހު މަޖިލީހުގެ މި އަހަރުގެ ޖަލްސާތައް ފަށާނީ އަންނަ މަހުގެ 5 ގަ އެވެ. މަޖިލީހުގެ 19 ވަނަ ދައުރު އަންނަ މެއި މަހު ހަމަވާނެ އެވެ.