މާލެ ސަރަހައްދުގައި އަމިއްލަ ފަރާތްތަކުން ބިނާކުރަން ނިންމާފައިވާ ތިން މިސްކިތެއްގެ އެއްބަސްވުންތަކުގައި މިއަދު ސޮއިކޮށްފި އެވެ.
އިސްލާމިކް މިނިސްޓްރީން ސޮއިކޮށްފައި ވަނީ އަލީމް ފައުންޑޭޝަނާއި، ލީޒާ މޯލްޑިވްސްގެ އިތުރުން،އެސްޖޭ ކޮންސްޓްރަކްޝަނާ އެކީގަ އެވެ.
އަލީމް ފައުންޑޭޝަނާއި، ލީޒާ މޯލްޑިވްސްއިން މިސްކިތް ބިނާކުރުމަށް ހަމަޖެހިފައި ވަނީ ހުޅުމާލޭގަ އެވެ. އެސްޖޭ ކޮންސްޓްރަކްޝަނާ ހަވާލުކުރީ މާލޭގެ ޒިކުރާ މިސްކިތް ތިން ބުރިއަށް ބިނާކުރުމުގެ މަސައްކަތެވެ. އެއީ މި ވަގުތު ވަގުތީ ޒިކުރާ މިސްކިތެކެވެ.
އެއްބަސްވުންތަކުގައި މިނިސްޓްރީގެ ފަރާތުން ސޮއިކުރެއްވީ އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދެވެ.