ފުލުހުން ތަހުގީގު ކުރަމުން އަންނަ މަކަރާއި ހީލަތުގެ މައްސަލައެއްގައި އައްޑޫ ހިތަދޫ އަންހެނަކު ހޯދަން އިއުލާންކޮށްފި އެވެ.
ހޯދަނީ އެ އަވަށު އައިޑަންވޫޑް ފާޠިމަތު ނަޝާޔާ، 22، އެވެ.
ފުލުހުން ބުނީ އޭނަ ހޯދަން އިއުލާންކުރީ ތަހުގީގަށް ހާޒިރުކުރުމަށް ބޭނުންވެ، އުޅޭ ވަކި ތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާތީ ކަމަށެވެ.
އެހެންވެ މި މަހުގެ 31 ވަނަ ދުވަހުގެ މެންދުރު ފަހު 2:00 އަށް ނަޝާޔާ ހުޅުމާލެ ފޭސް ދޭއްގެ ޕޮލިސް ސްޓޭޝަނަށް ހާޒިރުވާން އެދިފައިވެ އެވެ.