އައްޑޫ މަރަދޫގެ ބޭސް ފިހާރަކަށް ވަދެ، ފޭރުނު މީހަކު ދުއްވި ސައިކަލަކާ ބެހޭ މައުލޫމާތު ހޯދަން ފުލުހުން އާންމުންގެ އެހީއެއް އެދިއްޖެ އެވެ.
އައްޑޫ ފުލުހުން ބުނީ ބޭސް ފިހާރައިން ފޭރުނީ އިއްޔެ އިރުއޮއްސުނު ވަގުތު ކަމަށާއި ފައިސާތަކެއް ފޭރިގަތީ ތޫނު އެއްޗަކުން ބިރު ދެއްކުމަށް ފަހު ކަމަށެވެ.
އެހެންވެ އެކަން ކުރި މީހާ ދުއްވި ސައިކަލްގެ ފޮޓޯއަކާ އެކީ ފުލުހުން ބުނީ އެއާ ބެހޭ އެއްވެސް މައުލޫމާތެއް ލިބިފައިވާ ނަމަ ގަން ޕޮލިސް ސްޓޭޝަނާ ހިއްސާކޮށް ދޭން އެދޭ ކަމަށެވެ. ގުޅަން ޖެހޭ ނަމްބަރަކީ 9792058 އެވެ.
ފުލުހުން އާންމުކުރި ފޮޓޯ އިން ފެންނަ ގޮތުގައި ސައިކަލުގެ ނަމްބަރު ޕްލޭޓްމަތީގައި އިނީ ކަޅު ސްޓިކާ ކަހަލަ އެއްޗެއް ތަތްކޮށްފަ އެވެ.