މި އަހަރު ބާއްވާ ރައްޔިތުންގެ މަޖިލިސް އިންތިހާބުގައި ޕީއެންސީ/ޕީޕީއެމް ކޯލިޝަނުން މެޖޯރިޓީ ނަގާނެ ކަމަށާއި އަމާޒަކީ މަދުވެގެން 62 ގޮނޑި ކާމިޔާބު ކުރުން ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.
މަޖިލީހަށް އެ ކޯލިޝަންގެ ޓިކެޓްގައި ވާދަކުރާ ކެންޑިޑޭޓުން ހޮވުމަށް މިއަދު ޕްރައިމަރީ ކުރިއަށްދާ އިރު، ރައީސް މީޑިއާތަކަށް ވިދާޅުވީ އުންމީދަކީ 20 ވަނަ މަޖިލީހުގެ ސުޕަ މެޖޯރިޓީ ނެގުން ކަމަށެވެ.
"އިރާދަކުރެއްވިއްޔާ ސުޕަމެޖޯރިޓީ ކާމިޔާބުކުރާނަން މަޖިލީހުގެ. މަދުވެގެން 62 ގޮނޑި ނަގާނަން އިދާރަކުރެއްވިއްޔާ ރައްޔިތުންގެ ތާއިދާއެކު" ރައީސް ވިދާޅުވި އެވެ.
އެ މަނިކުފާނު ވިދާޅުވީ ރައްޔިތުންގެ ހައްގުތައް ކުރިއަށް ނެރެ ،ރައްޔިތުންނަށް ވެފައިވާ ވައުދުތައް ފުއްދައިދީ ކަންކަން ކޮށްދީގެން ރައްޔިތުންގެ އިތުބާރު ދެމެހެއްޓުމަށް މަޖިލީހުގެ ދައުރު ސަރުކާރަށް މުހިއްމު ކަމަށެވެ.
"އަޅުގަނޑުމެންގެ ހިތުގައި އޮތީ އިހުލާސްތެރިކަން. ރައްޔިތުންނަށް ހިދުމަތް ކުރުމުގެ ހެޔޮ ނިޔަތާއި ތެދުވެރިކަމާއި އިހުލާސްތެރިކަމާއެކު މަސައްކަތް ކުރުން. އެކަން ރައްޔިތުން ބަލައިގަންނާނެ ކަމަށް ގަބޫލުކުރަނީ." ރައީސް ވިދާޅުވި އެވެ.
މަޖިލިސް އިންތިހާބު ބާއްވަން ހަމަޖެހިފައި ވަނީ މާޗް 17 ގަ އެވެ. އަދި 20 ވަނަ މަޖިލީހަށް ޖުމްލަ 93 މެންބަރުން އިންތިހާބު ކުރާނެ އެވެ މަޖިލިސް އިންތިހާބުގައި ވާދަކޔުރަން އިލެކްޝަން ކޮމިޝަން އީސީ) އިން އަންނަ އަންގާރަ ދުވަހު ހުޅުވައިލާނެ އެވެ.