މޯލްޑިވްސް އިންލަންޑް ރެވެނިއު އޮތޯރިޓީ (މީރާ) ނައިފަރު ކަލެކްޝަން ސެންޓަރުގެ ޚިދުމަތް ހުއްޓާލަން ނިންމައިފި އެވެ.
އެތަނުން ބުނީ ހިދުމަތް ހުއްޓައިލަން ނިންމާފައި ވަނީ އަންނަ ހޯމަ ދުވަހުން ފެށިގެން ކަމަށެވެ. ނައިފަރުގެ ކަލެކްޝަން ސެންޓަރުގެ ޚިދުމަތް ހުއްޓާލުމަށް ނިންމީ، އެ ރަށު ކައުންސިލާއެކު ގާއިމްކޮށްފައިވާ އިންތިޒާމުތައް ނިމުމަކަށް އައުމާއި، ކަލެކްޝަން ސެންޓަރުން ދެމުން އައި ހިދުމަތްތަކުގެ ތެރޭގައި ވެހިކަލް ފީތައް ބަލައިގަތުން ކައުންސިލްތަކަށް ބަދަލުކުރުމާ ގުޅިގެންނެވެ.
ހިދުމަތްތައް ފަސޭހަކޮށް ރައްޔިތުންނާ ގާތުން ދޭން މަގުފަހިކުރުމުގެ ގޮތުން ރާއްޖޭގެ ތިން އަތޮޅެއް ފިޔަވައި އެހެން ހުރިހާ އަތޮޅެއްގައި މީރާ ކަލެކްޝަން ސެންޓަރުތައް ހުރެއެވެ. ނަމަވެސް މީރާގެ ހިދުމަތްތައް އޮންލައިންކޮށް ހޯދޭނީ އެގޮތަށް ހިދުމަތް ހޯދަން އެ އިދާރާ އިން އެދެ އެވެ.
މީރާގެ ހިދުމަތްތަކާ ބެހޭ އެއްވެސް މައުލޫމާތެއް ނުވަތަ އެހީތެރިކަމެއް ބޭނުންވާ ނަމަ މީރާ "ލައިވް ޗެޓް" ނުވަތަ މީރާގެ ވައިބަ ނަންބަރު 9821415 އަށް މެސެޖުކުރުމުން ނުވަތަ މީރާގެ ހޮޓްލައިން 1415 އަށް ގުޅުމުން ވެސް މައުލޫމާތާއި އެހީތެރިކަން ލިބޭނެ އެވެ.