މަކަރާއި ހީލަތުން މީހެއްގެ ބޭންކް އެކައުންޓުން ގިނަ އަދަދެއްގެ ފައިސާ ނެގި މައްސަލައެއްގައި އިންޑިއާ މީހަކު ތަހުގީގަށް ހޯދަން ފުލުހުން އިއުލާންކޮށްފި އެވެ.
ފުލުހުން ބުނީ މީހެއްގެ ކައުންޓުން 39،000ރ. ނެގި މައްސަލައިގައި ހުޅުމާލޭގެ ފޭސް ދޭއްގެ ފުލުހުން ތަހުގީގަށް ހޯދަނީ ސައި ތެޖާ މެދަރަމެޓްލާ ކިޔާ މީހެއް ކަމަށެވެ.
އޭނަ ހޯދަން އިއުލާން ކުރީ ތަހުގީގަށް ހާޒިރުކުރުމަށް ބޭނުންވެ، އުޅޭ ވަކި ތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާތީ އެވެ. އެހެންވެ އަންނަ މަހުގެ 3 ވަނަ ދުވަހުގެ މެންދުރު ފަހު 2:00 އަށް ހުޅުމާލޭ ފޭސް ދޭއްގެ ޕޮލިސް ސްޓޭޝަނަށް ތެޖާ ހާޒިރުވާން އަންގާފައިވެ އެވެ.