އެމެރިކާއާ ގުޅުން ބަދަހި ކުރުމާ ގުޅޭ ގޮތުން ރާއްޖެ އިން މަޝްވަރާކޮށްފި އެވެ.
މި މަޝްވަރާކޮށްފައި ވަނީ ރާއްޖޭގެ ފޮރިން މިނިސްޓަރު މޫސާ ޒަމީރު، އެމެރިކާގެ ފޮރިން މިނިސްޓްރީގެ އެސިސްޓެންޓް ސެކްރެޓަރީ އޮފް ސްޓޭޓް ޑޮނާލްޑް ލޫއާ ބައްދަލުކުރައްވަ އެވެ. ލޫއާ މި ވަގުތު ހުންނެވީ ރާއްޖޭގަ އެވެ.
ބައްދަލުވުމާ ގުޅޭ ގޮތުން ސޯޝަލް މީޑިއާ ޕޯސްޓެއްގައި މިނިސްޓަރު ޒަމީރުވިދާޅުވީ ލޫއާ ބައްދަލުކުރެއްވުމަކީ ލިބިވަޑައިގެންނެވި އުފަލެއް ކަމަށާއި ބައްދަލުވުމުގައި އެމެރިކާއާ ރާއްޖޭގެ މެދުގައި އޮތް ބަދަހި ގުޅުމާ ބެހޭ ގޮތުން ގިނަ ވާހަކަތަކެއް ދެކެވުނު ކަމަށެވެ.
It was a pleasure to meet @State_SCA Assistant Secretary Donald Lu and reflect on the strong ties between the #Maldives and the United States.
We discussed further enhancing cooperation on defence, climate action and economy.
The 🇲🇻-🇺🇸 relations continue to grow, especially… pic.twitter.com/LjMZ0IzYhi
— Moosa Zameer (@MoosaZameer) January 30, 2024
އެގޮތުން ރާއްޖެ އާއި އެމެރިކާގެ ދެމެދުގައި ދިފާއީ ދާއިރާ އާއި މޫސުމީ ބަދަލުތަކާއި އިޤުތިޞާދީ ދާއިރާއިން އެއްބާރުލުން ދިނުން އިތުރަށް ހަރުދަނާކުރުމާ މެދު މަޝްވަރާ ކުރެވުނު ކަމަށް ވިދާޅުވި އެވެ.
މިނިސްޓަރު ވިދާޅުވީ މަތީ ފަންތީގެ ބައްދަލުވުންތަކުގެ ތެރެއިން ރާއްޖެ އާއި އެމެރިކާގެ މެދުގަައި އޮތް ގުޅުން އިތުރަށް ބޮޑުވަމުން ކުރިއަރަމުން އަންނަ ކަމަށެވެ. އެހެންވެ އެ ގުޅުން އިތުރަށް ބަދަހިޖޮށް ހަރުދަނާ ކުރަން ދިވެހި ސަރުކާރު އޮތީ ތައްޔާރަށް ކަމަށް ވިދާޅުވި އެވެ.